लूका 8:3 - चम्बयाली नौआ नियम

³ हेरोदेस राज्जे रे भंड़ारी, खुज़ा री लाड़ी, योअन्ना, अते सूसन्नाह समेत होर भी मती सारी जनानियां थिया जे कि अपणे पैसेयां कने यीशु ते तिन्हेरे चेल्‍लेयां रे सेवा-पाणी रा इंतजाम करदी थिया।

लूका 8:3 ပူးပေါင်းရင်းမြစ်များ

मत्ती 14:1

उस बेल्ले गलील रे राज्जे हेरोदेस ने जां यीशु रे कम्मां रे बारे बिच सूणेया।

मत्ती 14:3

किजोकी ए ओई हेरोदेस थिया जिनिये यूहन्ना जो बन्धी बणाई करी, संगलां कन्ने बन्नी करी जेल्लां बिच पाई दित्तेया थिया ए उसने हेरोदियास रे बोलणे पर कित्तेया थिया, जे पैल्ले उसेरे भाई फिलिप्पुस री लाड़ी थी।

मत्ती 14:6

पर जां हेरोदेस रा जन्मदिन आया तां हेरोदियास री कुड़ी ने हेरोदेस अते तिसेरे परौणे रे अग्गे नच्ची करी तिन्हा जो इतणा खुस करी दित्तेया।

मत्ती 2:11

से मणू घरे रे अन्दर गे अते तिन्हा ज्योतिषियां ने तिस मुंडे ते तिसेरी मां मरियम जो दिख्खेया, ते मुँह रे भारे पेई करी बच्चे री अराधना कित्ती, ते अपणे-अपणे थैल्ले खोल्ली करी तिन्हा जो सोना, गंधरस अते लोबान री भेंट चढ़ाई।

मत्ती 20:8

सज्जां बेल्ले अंगूर रे बगीच्चे रे मालक ने अपणे मुशीं जो बोल्लेया, सारे दिन अंदर जिनिये मजदूर आए रे हिन, तिन्हा सारेयां जो तिन्हेरी धियाड़ी देई देयो।

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

मत्ती 26:11

गरीब तां तुसा कने हमेसा रैहन्दे, पर मैं तुसा कने हमेसा नी रैह्णा।

मत्ती 27:55

तित्ते मती सारी जनानियां जे गलील का यीशु री सेवा करदे होए तिन्हेरे कने आई री थी, दुर का ए सब किच्‍छ दिख्खेया करदी थी।

लूका 24:10

से जनानियां मगदला सहर री मरियम, योअन्ना, अते याकूब री मां, मरियम थी अते तिन्हा कन्ने दूज्जी जनानियां भी थिया जिन्हा जे ए गल्लां प्रेरितां जो दस्सी,

यूहन्ना 12:6

तिनिये ए गल्ल इस तांइ नी बोल्ली कि तिसजो गरीबां री चिन्ता थी, पर इस तांइ किजोकी ओ चोर थिया, ते उन्हेरी पैसे री थैल्ली हमेसा तिसका रैहंदी थी, ते जे किच्‍छ भी उस बिच पाया जादां थिया, ओ कड्डी लिदां थिया।

प्रेरितां रे कम्म 13:1

अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

फिलिप्पियों 4:22

सारे परमेश्वर रे लोक्कां जो, खासतौर पर जे मणू सम्राट रे घराने का विश्वास बिच आए रे हिन, तिन्हा जो नमस्ते बोल्लेयो।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।