लूका 8:2 - चम्बयाली नौआ नियम

² चेल्‍लेयां जो छड्डी करी यीशु कन्ने जनानियां भी थिया, जिन्हा जो यीशु ने बमारियाँ ते दुष्टात्मा का बचाये रा थिया। तिन्हा बिच का इक्क मगदला सहर री मरियम भी थी यीशु ने तिस बिच का सत्त दुष्टात्मा कह्ड्डी थिया।

लूका 8:2 ပူးပေါင်းရင်းမြစ်များ

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मरकुस 16:1

संज्जा बेल्ले जां विश्राम दिन पूरा होई गेया, तां मगदला सहर री मरियम, ते याकूब री मां मरियम, अते सलोमी ने खुश्बू वाली चीजां खरीदी लित्ती कि आई करी यीशु रे लास पर मली सके।

मरकुस 16:9

यीशु मुर्देयां बिच जिन्दे होणे का बाद, सबका पैल्ले मगदला सहर री मरियम जो दिस्से, जिस बिच का यीशु ने सत्त दुष्टात्मां जो कड्डेया थिया।

लूका 23:27

अते तिन्हेरे पीछे बडे़ वरी लोक्की चले दे थिये अते तिन्हा बिच किच्‍छ जनानियां भी थिया जे कि यीशु तांइ रुन्दी अते छाती पिटदिया चले री थियां

लूका 23:49

पर यीशु रे सब जाण-पछाण वाले अते गलील प्रदेश का आए दी जनानियां भी, जे कि गलील का यीशु रे पीछे पीच्छे आई थिया, तित्ते का थोड़े दुर खड़े होई करी इन्हा सब गल्लां जो हुंदे दिख्खेया।

लूका 23:55

से जनानियां जे गलील का यीशु कने आई थी, से यूसुफ रे पीच्छे-पीच्छे चली पेई, अते तिन्हा ने से कब्र दिख्खी, अते दिख्खया कि यीशु री लास जो कुते रख्खे दा है।

लूका 8:30

तां यीशु ने तिसजो पूच्छेया, तेरा नां कै ए? तां दुष्टात्मा ने बोल्लेया, मेरा ना सैना है किजोकी तिस मणू बिच मती सारी दुष्टात्मा थिया

यूहन्ना 19:25

यीशु री सुली रे नेड़े तिन्हेरी मां, अते तिन्हरी मां री भैण, क्लोपास री लाड़ी मरियम ते मगदला सहर री मरियम खड़ितेरी थी।

प्रेरितां रे कम्म 1:14

ए सारे मती जनानियां ते यीशु री मां मरियम ते तिन्हेरे अपणे भ्यालां कने इक्क मन होई करी प्रार्थना बिच लग्गी रेय।