लूका 8:18 - चम्बयाली नौआ नियम

¹⁸ इधेरे तांइ चुकन्ने रेयो कि तुसा कुस हिसाब कने सूणदे? किजोकी जिस का है तिसजो होर भी दित्तेया जाणा ते जिस का नी है, तिसका से भी लेई लित्ता जाणा जिस जो से अपणा समजदा

लूका 8:18 ပူးပေါင်းရင်းမြစ်များ

मत्ती 13:12

किजोकी जिस का घट्ट है, तिसजो दित्तेया जाणा अते उस का बड़ा जादा होई जाणा पर जिस का किच्‍छ भी नी है, तिसका जे किच्‍छ है, से भी लेई लित्तेया जाणा।

मत्ती 25:29

किजोकी हर उस मणू का, जिस ने जे किच्‍छ उस का थिया उसेरा सही इस्तेमाल कित्तेया, तिसजो होर जादा दित्तेया जाणा पर उस का, जिस का जे किच्‍छ थिया उसेरा सही इस्तेमाल नी कित्तेया, सब किच्‍छ लेई लित्तेया जाणा।

मरकुस 13:14

पढ़ने वाले इस गल्ल जो समजी जाण “से दिन आया करदा है जां तुसा मन्दिर बिच तिस घटिया चीज जो, तित्ते दिखणा जित्ते तिसजो नी होणा चाएदा ते जिसेरे बारे बिच दानिय्येल भविष्यद्वक्ता ने भविष्यवाणी कित्ती थी, जां तुसा तिसजो मन्दिर बिच आंदे दिख्खो तां जे यहूदियां जिले बिच हिन से पहाड़ा पर नह्सी जायो।”

लूका 19:26

इस गल्ल पर राज्जे ने बोल्लेया, जिन्हा जो जे दित्ते दा है, तिसजो से सह्ई तरिक्के कने बरतगे तां तिन्हा जो होर मिलणा, पर जे ईयाँ नी करगा तां तिन्हेरे का जे है से भी खोई लैणा

लूका 9:44

तुसा मेरी गल्ल ध्यान कने सुणो, किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुश्मणा रे हत्थे पकड़वाई दित्तेया जाणा। किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुसमणां रे हत्थे पकड़वाई दित्तेया जाणा

यूहन्ना 15:2

हर इक्क डाली जे मेरे बिच है ते जिस बिच फल्ल नी लगदा, से तिसजो बड्डी दिन्दे, अते मेरी हर इक्क डाली जो जे फलदी, से तिसजो छांटदे हिन ताकि होर जादा फल्ल लगन।

प्रेरितां रे कम्म 10:33

तां मैं झट तेरे का मणू भेज्जी दित्ते, ते तुसा खरा कित्ता, जे आई गे, अवे असा सब परमेश्वर रे सामणे हिन, ताकि जे किच्‍छ परमेश्वर ने तुसा कने बोल्लेया तिसजो सूणन।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

1 कुरुन्थियों 14:37

जे कोई मणू अपणे आप जो भविष्यद्वक्ता या इदेया कोई मणू समजदा जिस जो पवित्रात्मा कोई खूबी दित्ते री हो, तां से मणू ए जाणी लै कि जे गल्लां मैं तुसा जो लिखदा से प्रभु रे हुकम हिन।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

1 कुरुन्थियों 8:2

तुसा इय्यां समजदे कि तुसा किच्‍छ जाणदे, पर हल्ले तांइ तुसा इस तरिक्के कने नी जाणदे जिस तरिक्के तुसा जो जाणदा चाएदा।

फिलिप्पियों 3:4

मैं तां इन्सानी ताकत पर निर्भर होई सकदा थिया, जे कोई इन्सानी ताकत पर निर्भर होणे री सोच रखदा, तां मैं उस का भी जादा इन्सानी ताकत पर निर्भर होई सकदा।

इब्रानियों 2:1

इधेरे तांइ, जे किच्‍छ असा जो सिखाए गे रा है, असा जो तिस पर बड़ा ध्यान दैणे री जरुरत है, ताकि असी भटकी ना जाए।