लूका 8:10 - चम्बयाली नौआ नियम

¹⁰ तिन्हा ने अपणे चेल्‍लेयां जो बोल्लेया, तुसा जो परमेश्वर रे राज री राज़ री गल्लां समजणे री अक्कल दित्ती गे री है, पर होर लोक्कां जो उदारणां बिच सुणाया जादां, ताकि से दिख्खी करी भी दिख्खी ना सकण, ते से सुणी करी भी समजी ना सकण

लूका 8:10 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

मत्ती 16:17

यीशु ने उन्हा जो बोल्लेया, ओ शमौन, योना रे पुत्तर, तू धन्न है किजोकी मांस अते खून ने नी, पर मेरे पिता ने जे स्वर्ग बिच हिन, ए गल्ल तिन्हा पर जाहिर कित्ती।

मरकुस 4:11

यीशु ने तिन्हा लोक्कां जो बोल्लेया, “तुसां जो तां परमेश्वर रे राज रे भेद री समझ दित्ती गेरी है, पर बाहर वालेयां ताइं सारी गल्लां उदारणां बिच ही हूदीं।”

मरकुस 4:12

ताकि से वचन पूरा हो कि; “से दिखदे होए भी ना दिख्खी सकण, ते सूणदे होए भी ना समजे; इय्यां ना हो। कि से पाप करणा छड्डी दैण ते परमेश्वर का हटी आण ते माफ कित्ते जाण।”

यूहन्ना 12:40

“उन्नये उन्हेरी हाख्खी अन्नि ते, उन्हेरा मन कठोर करी दित्तेया रा है, कुते इय्यां ना हो कि ओ हाख्खी कने दिख्ण, ते मन कने समजन, ते फिरण, ते मैं उन्हेरे जो ठीक करां।”

रोमियों 16:25

परमेश्वर जो महिमा मिल्ले जे तुसा रे विश्वास जो तिस सुब बसेख रे हिसाब कने मजबूत करी सकदे जिसेरा मैं प्रचार करदा। मसीह यीशु रे इस सुब बसेख ने तुसा गैर यहूदियां तांइ परमेश्वर री तिस योजना जो ज़ाहिर करी दित्तेया, जे सदियां का लुके री थी।

1 कुरुन्थियों 12:11

पर इन्हा सारी खुबियां रा जरिया सिर्फ पवित्रात्मा है ते से ही हिन जे अपणी मर्जी रे हिसाब कने सारेयां बिच से खुबियां बंडदे।

कुलुस्सियों 2:2

ताकि तुसा जो ते तिन्हा लोक्कां जो होंसला मिल्ले, ते से प्यार कने अप्पु बिच कठ्ठे रैह्ण। मैं चाह्‍ंदा कि तिन्हा जो इस गल्ल रा होंसला रेयो किजोकी से परमेश्वर रे हर राज़ री योजनां जो समजदे, जे मसीह यीशु ही हिन।

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।