लूका 7:8 - चम्बयाली नौआ नियम

⁸ किजोकी, मैं भी कुसकी रे हेठ कम्म करणे वाला मणू है, अते किच्‍छ सपाई मेरे भी हेठ कम्म करदे अगर तिन्हा जो मैं कुदखी जाणे तांइ बोल्दा, तां से जान्दे आणे तांइ बोल्दा, तां से आन्दे अते अगर मैं अपणे नौक्कर जो बोल्दा, कि ए कम्म कर, “या से कम्म कर” तां से तिय्यां ही करदे

लूका 7:8 ပူးပေါင်းရင်းမြစ်များ

लूका 7:7

अते इस ही वजह कने मैं अप्पु जो इस जोग्गा नी समजेया, कि तुसा रे नेड़े भी आई सकां इधेरे तांइ तुसा जित्ते हिन, तित्ते का ही अपणे मुँह का बोल्ली देयो कि मेरा नौक्कर ठीक होई जाओ, तां तिन्ने ठीक होई जाणा

लूका 7:9

ए सुणी करी यीशु हैरान होई गे, अते तिन्हा ने अपणे पीच्छे आणे वाले मणूआं जो बोल्लेया कि, इस गैर-यहूदी मणू सांई विश्वास तां मैं कदी इस्राएल रे मणूआं अन्दर भी नी दिख्खेया।

प्रेरितां रे कम्म 23:17

पौलुस ने हाकिमां बिच का इक्क जो अपणे नेड़े सद्दी करी बोल्लेया, इस जुआन जो पलटन रे सरदार का लेई जाओ, ए तिसजो किच्‍छ बोलणा चाह्‍ंदा

प्रेरितां रे कम्म 23:23

तां पलटन रे सरदार ने दो हाकिमां जो सदवाई करी बोल्लेया, दो सौ सैनिक, सत्तर सवार ते दो सौ भालैत, रात्ती रे नौ बजे का बाद कैसरिया कस्बे जो जाणे तांइ त्यार रख्खो।

प्रेरितां रे कम्म 23:26

महामहिम फेलिक्स हाकिम जो क्लौदियुस लूसियास री तरफ का प्रणाम,

प्रेरितां रे कम्म 23:31

इधेरे तांइ जदेह्याँ सैनिकां जो हुकम दित्तेया थिया, तिय्यां ही से पौलुस जो रातो-रात यरुशलेम सहर का लेई करी अन्तिपत्तरिस अन्दर आये,

प्रेरितां रे कम्म 24:23

ते हाकिम जो हुकम दित्तेया कि पौलुस जो अपणी गिरफ्त बिच रख्खे पर तिसजो थोड़ी अजादी देई रख्खे ते तिसेरे मित्रां बिच का कुसकी जो भी तिसेरी सेवा करणे का मत रोकदा।

प्रेरितां रे कम्म 25:26

मैं इसेरे बारे अन्दर कोई पक्की गल्ल नी दिख्खी कि अपणे सम्राट जो लिख्खां इधेरे तांइ मैं इसजो तुसा रे सामणे ते खास कर राजा अग्रिप्पा, तुसा रे सामणे लेई आया ताकि परखणे का बाद मेरे जो किच्‍छ लिखणे जो मिली जाओ।

कुलुस्सियों 3:22

ते गुलामों, सुणो, ईमानदारी कने अपणे दुनियावी मालिकां रे हुकमां जो मन्नेया करो, सिर्फ तिस बेल्ले ही नी जां से तुसा जो दिखदे होण, दिल री पूरी ईमानदारी ते प्रभु तांइ आदरमान कने करो।