लूका 7:6 - चम्बयाली नौआ नियम

⁶ यीशु तिन्हा कन्ने चली पे, ते जां से सूबेदार रे घर रे नेड़े पूज्जे तां सूबेदार ने अपणे मित्तरां का ए गलाई भेजया, कि ओ प्रभु जी, तुसा मेरे घरे आणे री तकलीफ मत करो, किजोकी मैं इस जोग्गा नी है, कि तुसा मेरे घरे आण।

लूका 7:6 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मरकुस 5:24

तां से फिरी यीशु ते तिन्हेरे चेल्‍ले, याईर कने चली पे ते बड्डी भीड़ तिन्हेरे पीच्छे चली पेई, इत्ते तिकर की मणू तिन्हेरे पराल्ले पेया करदे थिये।

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

लूका 7:4

तां से यीशु का जाई करी तिन्हेरे छंदे करी के बोलणा लग्गे, कि तुसा असा रे कन्ने हाकिम रे नौक्कर जो ठीक करणा चलो

लूका 7:5

किजोकी से हाकिम, असा यहूदियां कने बडा़ प्यार रखदा, अते तिन्ने ही असा तांइ सभास्थल जो बणवाए दा है

लूका 7:7

अते इस ही वजह कने मैं अप्पु जो इस जोग्गा नी समजेया, कि तुसा रे नेड़े भी आई सकां इधेरे तांइ तुसा जित्ते हिन, तित्ते का ही अपणे मुँह का बोल्ली देयो कि मेरा नौक्कर ठीक होई जाओ, तां तिन्ने ठीक होई जाणा

लूका 8:49

से हल्ले ए बोल्लेया ही करदे थिये कि सभास्थल रे प्रधान रे घरे का तित्ते कोई आया अते तिसने प्रधान जो बोल्लेया, तेरी कुड़ी मरी गई इधेरे तांइ गुरु जी जो तकलीफ मत दिंदा

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

याकूब 4:10

प्रभु रे सामणे निमते बणो तां तिन्हा ने तुसा जो आदर दैणा।

याकूब 4:6

से तां होर भी जादा दया करदे ताकि असी बुरी इच्छा रा विरोध करी सकण, इसी वजह कने पवित्रशास्त्र बिच ए लिख्खे रा है, “परमेश्वर घमंडिया रा विरोध करदे पर निमते मणूआं पर अनुग्रह करदे।”