लूका 7:40 - चम्बयाली नौआ नियम

⁴⁰ पर यीशु ने तिस फरीसी रे मन री गल्ल जाणी गे, अते तिन्हा ने तिसजो जवाब दित्ता, ओ शमौन, मैं तेरे जो इक्क गल्ल दसणी, तां से बोलदा, गुरु जी बोल्लो।

लूका 7:40 ပူးပေါင်းရင်းမြစ်များ

मत्ती 26:49

ते तिसी बेल्ले यीशु का आई करी बोल्लेया, ओ गुरु, नमस्कार! ते तिन्हेरे जो बड़ा चुम्मेया।

मत्ती 7:22

हिसाब-किताब रे रोज मते जह्णेयाँ ने मेरे जो पूच्छेया प्रभु जी, ओ प्रभु जी! कै असा तुसा रे नां कने भविष्यवाणी नी कित्ती? कै तुसा रे नां कने दुष्टात्मा नी कड्डियां अते कै असा तुसा रे नां कने मते सारे चिन्ह-चमत्कार नी दिखाए?

लूका 18:18

इक्क वरी कुसकी यहूदी सरदार ने यीशु का सवाल पूच्छया, ओ उत्तम गुरु, हमेसा री जिन्दगी पाणे तांइ मैं कै करां?

लूका 5:22

पर यीशु तिन्हेरे मन री गल्ल जो समजी गे, ते तिन्हा जो जवाब दित्तेया, तुसा अपणे मन अन्दर इय्यां किजो सोचदे, मैं परमेश्वर री बेज्ज़ती करेया करदा है?

लूका 5:31

यीशु ने तिन्हा जो जवाब दित्तेया, जिय्यां मरीजाँ जो ही हकीम अते वैद्दां री जरुरत हुंदी, ते जे भले-चन्गे हिन, तिन्हा जो नी, तिय्यां ही पापी मणूआं जो ही पाप माफ कराणे री जरुरत है ना कि भले अते नेक मणूआं जो

लूका 6:8

पर यीशु तिन्हेरे मन री गल्ल जाणदे थिये इधेरे तांइ तिन्हा ने तिस सुके हत्थां वाले जो बोल्लेया, उठ अते मझाट्टे खड़ी जा अते से मणू उठेया अते मझाट्टे खड़ा होई गेया।

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

लूका 7:41

तां यीशु ने तिन्हा जो इक्क उदारण दित्तेया, कि कुसकी सेठे रे दो दैण-दार थिये, तिन्हा बिच का इक्क जणे ने पांज्ज-सौ दीनार रे सिक्के कने दूज्जे ने पंज्जाह् दीनार हटाणे थिये।

यूहन्ना 13:13

तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

यूहन्ना 16:19

यीशु समजी गे कि से मेरे का पूच्छणा चाह्‍ंदे हिन, अते यीशु ने बोल्लेया, कै तुसा इस गल्ल रे बारे बिच अप्पु-मित्ते सोच-विचार करेया करदे हिन, जे मैं बोल्ली, थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा?

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।