लूका 7:39 - चम्बयाली नौआ नियम

³⁹ ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

लूका 7:39 ပူးပေါင်းရင်းမြစ်များ

मत्ती 20:16

इसी तरिके कने जे पिछले हिन, पैल्ले कित्ते जाणे ते जे पैल्ले हिन, से पिछले होणे।” इसी तरिक्के कने परमेश्वर ने भी तिन्हा लोक्कां जो हिसाब-किताब रे दिन पर ईनाम दैणा जे अब्बे घट समजे जांदे।

मत्ती 21:11

लोक्कां ने बोल्लेया, गलील रे नासरत रे भविष्यद्वक्ता यीशु हिन।

मरकुस 7:21

किजोकी मणू रे मन का, बुरी-बुरी गल्लां, व्यभिचार, चोरी, खून करणा,

लूका 12:17

ते से अपणे मनां अन्दर सोचणा लगेया, कि अवे मैं कै करां? इतणा सारा अनाज कुते रखगा, मेरे का तां रख्खणे तांइ जगाह् भी नी है?

लूका 15:2

ए दिख्खी करी फरीसी ते शास्त्रि लोक्कां बुड़-बुड़ करणा लगे, कि ए तां पापी मणूआं कन्ने रैहन्दा अते तिन्हा कन्ने रोट्टी भी खाई लिन्दा

लूका 16:3

तां मुंशी सोच्चणा लगेया, मेरा मालक मेरे जो नौकरी का कडणे वाला है, फिरी मैं कुते जाह्न्गा? मेरे का तां मजूरी भी नी होणी अते लज्जे भीख भी किय्यां मंग गा?

लूका 18:4

तिस हाकिम ने मते रोजां तांइ तिस विधवा री गल्लां री कोई परवाह ही नी कित्ती, पर बाद बिच तिन्ने अपणे मनां अन्दर सोचेया, कि मैं ना तां परमेश्वर का डरदा ना ही मणूआं री परवाह करदा,

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

लूका 7:16

ए दिख्खी करी मणू डरी गे, अते परमेश्वर री बड़ाई करी के बोल्णा लगे कि, इक्क बड्डा भविष्यद्वक्ता असा का आए रा है, परमेश्वर ने अपणे लोक्कां पर बड़ी दया कित्ती है।

लूका 7:37

जां तिस ग्रां री इक्क पापण जनानी जो पता लग्गेया, कि यीशु फरीसी रे घरे रोट्टी खाणे तांइ आए दे हिन, तां से इक्क संगमरमर रे भाडें अन्दर खुशबू वाला इक्क बड़ा मैहन्गा इत्र लेई आई।

लूका 7:38

अते अपणे गोडे रे भारे बेई करी रोणा लग्गी अते हाख्खी का फुए यीशु रे पैरां पर पैणा लगे अते से यीशु रे पैरां जो अपणे बालां कने पुंजणा लग्गी अते तिन्हा जो घड़ी-घड़ी चुम्मी करी तिस पर इत्र मली करी तिन्हेरा अभिषेक कित्तेया।

लूका 7:40

पर यीशु ने तिस फरीसी रे मन री गल्ल जाणी गे, अते तिन्हा ने तिसजो जवाब दित्ता, ओ शमौन, मैं तेरे जो इक्क गल्ल दसणी, तां से बोलदा, गुरु जी बोल्लो।

यूहन्ना 4:19

जनानी ने तिन्हा जो बोल्लेया, ओ प्रभु जी, मेरे जो लगदा कि तुसा भविष्यद्वक्ता हिन

यूहन्ना 7:12

फिरी लोकां ने तिसेरे बारे चोरी-चोरी बड़ी गल्लां कित्ती थोड़े बोलदे थिये से खरा मणू है, ते थोड़े बोलदे थिये नां से मणूआं जो बैह्कांदा

यूहन्ना 9:24

तां उन्हा ने तिस मणू जो जे अह्ना थिया, दुई वरी सद्दी करी तिसजो बोल्लेया, परमेश्वर री कसम खाई करी सच बोल किजोकी असी तां जाणदे कि से मणू पाप्पी है।