लूका 7:29 - चम्बयाली नौआ नियम

²⁹ जा तिन्हा लोक्कां ने ए सूणेया, तां सारे लोक्कां ने ते इत्ते तिकर कि चुंगी लैणे वालेयां ने भी मन्नी लेया कि परमेश्वर री गल्लां जो मनणा सही है किजोकी तिन्हा ने यूहन्ना का बपतिस्मा लेई लित्तेया थिया।

लूका 7:29 ပူးပေါင်းရင်းမြစ်များ

मत्ती 5:46

किजोकी जे तू उन्हा कने ही प्यार करगा जे तेरे कने प्यार करदे हिन, तां तुसा जो कै ईनाम मिलणा? कै इय्यां ही चुंगी लैणे वाले नी करदे?

लूका 20:6

अते अगर असा ने बोल्लेया, कि मणूआं रे पास्से का थिया, तां इत्ते जितणे भी मणू हिन तिन्हा असा जो मारी छडणा, किजोकी इन्हा मणूआं री नजरा बिच यूहन्ना तां इक्क भविष्यद्वक्ता थिया

लूका 3:12

फिरी चुंगी लैणे वाले भी तिसका बपतिस्मा लैणे जो आये, अते तिसजो पूच्छणा लगे, ओ गुरु जी, असा जो कै करणा चाएदा?

लूका 7:28

फिरी यीशु ने बोल्लेया, मैं तुसा जो बोल्दा, कि हल्ले तांइ इदेया कोई मणू नी जम्मेया, जे यूहन्ना का बद्धी करी हो पर, परमेश्वर रे राज बिच जे सबका छोटा है, से यूहन्ना का भी बद्धी करी है

लूका 7:35

पर समझ अपणे मनणे वालेयां री वजह कने सही साबित हुंदी

प्रेरितां रे कम्म 18:25

तिसजो प्रभु रे रस्ते री शिक्षा हासिल कित्ती थी ते से मन लाई करी यीशु रे बारे बिच खरी-खरी गल्लां सुणादां ते सखादां थिया पर तिसजो सिर्फ यूहन्ना रे बपतिस्मा रे बारे अन्दर ही ज्ञान थिया

प्रेरितां रे कम्म 19:3

पौलुस ने तिन्हा जो बोल्लेया तां फिरी तुसा कदेया बपतिस्मा लित्तेया? तिन्हा ने बोल्लेया, से बपतिस्मा जे यूहन्ना दिंदा थिया।

रोमियों 10:3

किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

प्रकाशित वाक्य 15:3

से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 16:5

तां मैं पाणी रे स्वर्गदूत जो परमेश्वर जो ए बोलदे सूणेया, ओ पवित्र परमेश्वर जे हिन, जे थिया, तू सारेयां रा सच्चा हिसाब करदा, ते तुसा ने सही हिसाब-किताब कित्तेया।