लूका 7:19 - चम्बयाली नौआ नियम

¹⁹ तां यूहन्ना ने अपणे दो चेल्‍लेयां जो यीशु का ए पूच्छणे तांइ भेज्जेया, कि जिस मसीह यीशु जो असी भालदे हिन, से तुसा ही हिन, कि से कोई होर है?

लूका 7:19 ပူးပေါင်းရင်းမြစ်များ

मरकुस 6:7

यीशु ने अपणे बारा चेल्‍लेयां जो अपणे नेड़े सद्देया ते तिन्हेरे जो दो-दो करी के भेजणा लग्गे ते उन्हा जो दुष्टात्मा पर हक्क दित्तेया।

लूका 10:1

इन्हा गल्लां रे होणे का बाद प्रभु यीशु ने सत्तर चेल्‍ले होर चुणे ते फिरी जिस-जिस सहरां ते जगाह् पर तिन्हा अप्पु जाणा थिया, तित्ते दो-दो करी के पैल्ले तिन्हा जो भेजेया।

लूका 11:1

इक्क रोज यीशु इक्क जगाह् पर प्रार्थना करेया करदे थिये जां से प्रार्थना करी बैठे तां तिन्हेरे चेल्‍लेयां बिच का इक्क ने तिन्हा जो बोल्लेया, ओ प्रभु जी, जिय्यां यूहन्ना ने अपणे चेल्‍लेयां जो प्रार्थना करणा सखाए रा है, तुसा भी असा जो तिय्यां ही सिखाओ।

लूका 11:39

ते इस गल्ल पर प्रभु जी ने तिसजो जवाब दित्तेया, ओ फरीसियों, तुसा थाली ते कटोरी जो तां उपरा-उपरा का माँजदे, पर तुसा ही अन्दर का लालच अते बुराई कन्ने भरितेरी हिन

लूका 12:42

यीशु ने जवाब दित्तेया, इदेया विश्वास लायक अते समजदार मुंशी कुण है, जिसेरा मालक तिसजो तिसेरे घर री देखभाल ते तिन्हेरे नौक्करां जो रोट्टी दैणे री जिम्मेदारी देई सको?

लूका 13:15

प्रभु यीशु ने जवाब दित्तेया, कि ओ कपटियों, कै विश्राम दिन रे रोज्जे तुसा अपणे डंगरां जो पाणी पियाणे तांइ नी लिन्दे?

लूका 17:5

तां यीशु रे बारा प्रेरितां ने बोल्लेया, प्रभु जी, असा जो विश्वास बिच मजबूत बणाओ।

लूका 17:6

प्रभु यीशु ने तिन्हा जो बोल्लेया, जे तुसा रा विश्वास सरेयाँ रे दाणे रे बराबर भी हुंदा, तां तुसा इस शहतुत रे बूट्टे जो बोल्ल गे, कि तू जड़ा का बुट्टि करी समुन्द्रा बिच लग्गी जा, तां तिन्ने तुसा री मन्नी लैणी थी।

लूका 18:6

फिरी प्रभु यीशु ने बोल्लेया, सुणो, तिस अधर्मी हाकिम ने कै बोल्लेया थिया?

लूका 19:8

जां यीशु ते तिन्हेरे चेल्‍ले तिसेरे घरे रोट्टी खाया करदे थिये तां जक्कई खड़े होई गेया अते यीशु जो बोलणा लग्गेया, ओ प्रभु जी, मैं अपणी धन-दौलत रा अद्दा हिस्सा गरीबां बिच्च बन्डी दैणी अते प्रभु जी मैं जिन्हा मणूआं जो ठग्गी करी तिन्हा का जरुरत का जादा लित्ते दा है तिन्हा जो मैं चार गुणा मोड़ी दिह्गां।

लूका 22:61

तिस्सी बेल्ले यीशु ने पतरस पास्से मुडी करी दिख्खेया, तां पतरस जो यीशु री तिस गल्ल रा चेता आया कि, आज मुर्गे ने तां तांइ बांग नी दैणी जां तांइ तू मेरे जो पछियानणे का तीन्न वरी मुक्करी नी जांह्ग्गा

लूका 24:34

जे बोल्लेया करदे थिये, प्रभु जी, सच्ची ही जिन्दा होई गेरे हिन तिन्हा ने शमौन पतरस जो दर्शन दित्तेया।

लूका 7:13

ए दिख्खी करी, यीशु रा मन रहम कने भरी गेया, अते तिन्हा ने तिस्स विधवा जो बोल्लेया, मत रोआं!

लूका 7:20

तां से चेल्‍ले यीशु का गे अते तिन्हा जो बोल्णा लगे कि, असा जो यूहन्ना बपतिस्मा दैणे वाले ने ए पूच्छणे तांइ भेज्जेया, कि जिस मसीह यीशु जो असी भालदे हिन, से तुसा ही हिन कि कोई होर हिन?

यूहन्ना 11:2

ए ओ ही मरियम थी जिनिये प्रभु रे पैरां पर इत्र पाई करी उन्हेरे पैरां जो अपणे बालां कने पुंजेया थिया, इसेरा ही भाई लाज़र बिमार थिया।

यूहन्ना 4:1

फिरी जां प्रभु जी जो पता लग्गेया कि फरीसियां ने सुणे रा है कि यीशु यूहन्ना का भी जादा चेल्‍ले बणांदा ते तिन्हा जो बपतिस्मा दिन्दा

यूहन्ना 4:25

जनानी ने तिसजो बोल्लेया, मैं जाणदी कि मसीह जे ख्रिस्त है, आणे वाला है, जिस बेल्ले तिसने आणा तां सारी गल्लां असा जो दसणियां।

यूहन्ना 6:23

तां बाकि किस्तियां, गलीली समुन्द्र रे किनारे बसे रे इक्क सहर तिबिरियुस बिच तिस जगाह् पर आई, जित्ते तिन्हा ने प्रभु रा शुकर करणे का बाद रोट्टी खाई थी।

प्रकाशित वाक्य 11:3

अते मैं अपणे दो गवाह जो भेजणा, कि से टाट ओढ़ी करी इक्क हजार दो सौ साठ्ठ रोज्जां तांइ भविष्यवाणी करण।