लूका 7:16 - चम्बयाली नौआ नियम

¹⁶ ए दिख्खी करी मणू डरी गे, अते परमेश्वर री बड़ाई करी के बोल्णा लगे कि, इक्क बड्डा भविष्यद्वक्ता असा का आए रा है, परमेश्वर ने अपणे लोक्कां पर बड़ी दया कित्ती है।

लूका 7:16 ပူးပေါင်းရင်းမြစ်များ

मत्ती 15:31

जां मणूआं ने दिख्खेया कि जल्ले बोलदे हिन ते टुण्डे ठीक होई गे, लट्टे चलदे अते अन्ने दिखदे तां से हैरान होई गे अते से इस्राएल रे परमेश्वर री बड़ाई करणा लग्गे।

मत्ती 21:11

लोक्कां ने बोल्लेया, गलील रे नासरत रे भविष्यद्वक्ता यीशु हिन।

मत्ती 28:8

से डर अते बड़ी खुसी कने कब्र का हटी करी उसेरे चेल्‍लेयां जो सुब बसेख दैणे तांइ दौड़ी गेईयां।

मत्ती 9:8

मणू ए दिख्खी करी डरी गे अते परमेश्वर री महिमा करणा लग्गे जिनिये मणू जो इदेयी ताकत दित्ती।

लूका 1:65

तिसेरे अख्खी-बख्खी जिन्ने भी मणू थिये, से सब ए दिख्खी करी बड़े डरी गे इस गल्ल री खाप्प यहूदियां रे सारे पहाड़ी कस्बे बिच पेई गई।

लूका 1:68

कि इस्राएल रे प्रभु परमेश्वर री जै हो! किजोकी तिन्हा ने अपणे मणूआं जो बचाणे तांइ इक्क मददगार भेज्जेया, अते अपणे मणूआं जो पाप का छुड़ाया,

लूका 19:44

ते तेरे दुश्मणा ने तिज्जो ते तेरे बच्चेयां जो जे तेरे बिच हिन, मिट्टी बिच मिलाई दैणा, ते तेरे बिच बट्टे पर बट्टा भी नी छडणा, किजोकी तू तिस मौक्के जो नी पेहचाणेया जां परमेश्वर तिज्जो बचाणे तांइ आए थिये।

लूका 2:20

ते जिय्यां स्वर्गदूतां ने पुहालां जो बोल्ले रा थिया, तिय्यां ही सब किच्‍छ दिख्खी-सूणी करी परमेश्वर री जै-जै कार अते बड़ाई करदे-करदे वापस द्रबड़ा जो अपणे धणा का हटी गे।

लूका 24:19

यीशु ने तिन्हा जो पूच्छेया, कुण देई गल्लां? तिन्हा ने यीशु जो बोल्लेया, ए सब गल्लां नासरत कस्बे रे यीशु रे बारे बिच हिन। से इक्क इदेय मणू थिये जिन्हा ने जे किच्‍छ कित्ता अते बोल्लेया तिसजो परमेश्वर अते सबणी मणूआं जो ए दिखाई दित्ता कि से इक्क बडे़ शक्तिसाली भविष्यद्वक्ता थिये जिन्हा ने बड़े चमत्कार कित्ते, ते लोक्कां री नजर बिच परमेश्वर रे बड़े सामर्थी गुरु थिये।

लूका 5:26

तां फिरी सब जणे हैरान होई गे ते परमेश्वर री बड़ाई करणा लगे अते बड़े वरी डरी गे अते बोलणा लगे, अज्ज असा ने इक्क अलग ही नजारा दिख्खेया

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

लूका 7:15

तां तिस मुर्दे बिच प्राण आई गे, अते से उठ्ठी करी बेई गेया ते बोलणा लग्गी पेया! यीशु ने तिसजो तिसेरी मां का देई दित्ता

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

लूका 8:37

ते तित्ते जे किच्‍छ भी होया थिया तिसजो दिख्खी करी गिरासेन इलाके रे रैह्णे वाले मणूआं ने यीशु रे छंदे कित्ते कि तुसा इत्ते का चली जाओ किजोकी ए सब दिख्खी करी से सब डरी गेरे थिये फिरी यीशु किस्ती पर चढ़ी करी झील रे दूज्जे पास्से हटी आये।

लूका 9:19

तिन्हा ने जवाब दित्तेया, कि किच्‍छ मणू यूहन्ना बपतिस्मा दैणे वाला बोल्दे, किच्‍छ तुसा जो एलिय्याह मन्दे, अते किच्‍छ बोल्दे, कि तुसा पुराणे बेल्ले रे भविष्यद्वक्ता बिच का कोई इक्क हिन, जे कि जिन्दा होई गे रा है।

यूहन्ना 1:21

तां तिन्हा ने तिसजो पूच्छेया, “तां फिरी कुण है? ‘क्‍या तू एलिय्याह भविष्यद्वक्ता है? तिसने बोल्लेया मैं नी है, तां कै तू भविष्यद्वक्ता है?’” तिसने जवाब दिता, “नी।”

यूहन्ना 1:25

तिन्हा ने तिसका एह़ सवाल पूच्छेया, “अगर तू न मसीह है न एलिय्याह है, ते ना ही सेह भविष्यवाणी करणे वाला है, तां फिरी बपतिस्मा किजो दिंदा?”

यूहन्ना 4:19

जनानी ने तिन्हा जो बोल्लेया, ओ प्रभु जी, मेरे जो लगदा कि तुसा भविष्यद्वक्ता हिन

यूहन्ना 6:14

तां जे चमत्कार तिसने करी दखाया तिसजो दिख्खी करी मणू बोलणा लगे, से भविष्यवाणी करणे वाला जे दुनिया अन्दर आणे वाले थिया, पक्का ऐई है

यूहन्ना 9:17

तिन्हा ने तिस अन्ने जो फिरी बोल्लेया, तिन्निए तेरी हाख्खियां खोल्ली तू तिसेरे बारे बिच कै बोलदा? तिन्निए बोल्लेया, ए भविष्यद्वक्ता है।

प्रेरितां रे कम्म 5:5

ए गल्लां सूणदे ही हनन्याह छुड़की पेया ते तिसेरी जान निकली गई ते सारे सुनणे वाले बड़े डरी गे।

प्रेरितां रे कम्म 7:37

ए से ही मूसा है, जिनिये इस्राएल देस रे मणूआं जो बोल्लेया, परमेश्वर तुसा रे भाईयां बिच का तुसा बिच का मेरे सांई इक्क भविष्यद्वक्ता जो उठाणा

गलातियों 1:24

अते परमेश्वर ने जे कम्म मेरे तांइ कित्ते रा है तिस वजह कने से परमेश्वर री महिमा करणा लगे।