लूका 7:13 - चम्बयाली नौआ नियम

¹³ ए दिख्खी करी, यीशु रा मन रहम कने भरी गेया, अते तिन्हा ने तिस्स विधवा जो बोल्लेया, मत रोआं!

लूका 7:13 ပူးပေါင်းရင်းမြစ်များ

मरकुस 8:2

“मेरे जो इस भीड़ पर तरस आया करदा है, किजोकी ए त्रै रोजां का बराबर मेरे कने हिन, अते अवे इन्हा का किच्‍छ भी खाणे जो नी है।

लूका 10:1

इन्हा गल्लां रे होणे का बाद प्रभु यीशु ने सत्तर चेल्‍ले होर चुणे ते फिरी जिस-जिस सहरां ते जगाह् पर तिन्हा अप्पु जाणा थिया, तित्ते दो-दो करी के पैल्ले तिन्हा जो भेजेया।

लूका 11:1

इक्क रोज यीशु इक्क जगाह् पर प्रार्थना करेया करदे थिये जां से प्रार्थना करी बैठे तां तिन्हेरे चेल्‍लेयां बिच का इक्क ने तिन्हा जो बोल्लेया, ओ प्रभु जी, जिय्यां यूहन्ना ने अपणे चेल्‍लेयां जो प्रार्थना करणा सखाए रा है, तुसा भी असा जो तिय्यां ही सिखाओ।

लूका 11:39

ते इस गल्ल पर प्रभु जी ने तिसजो जवाब दित्तेया, ओ फरीसियों, तुसा थाली ते कटोरी जो तां उपरा-उपरा का माँजदे, पर तुसा ही अन्दर का लालच अते बुराई कन्ने भरितेरी हिन

लूका 12:42

यीशु ने जवाब दित्तेया, इदेया विश्वास लायक अते समजदार मुंशी कुण है, जिसेरा मालक तिसजो तिसेरे घर री देखभाल ते तिन्हेरे नौक्करां जो रोट्टी दैणे री जिम्मेदारी देई सको?

लूका 13:15

प्रभु यीशु ने जवाब दित्तेया, कि ओ कपटियों, कै विश्राम दिन रे रोज्जे तुसा अपणे डंगरां जो पाणी पियाणे तांइ नी लिन्दे?

लूका 17:5

तां यीशु रे बारा प्रेरितां ने बोल्लेया, प्रभु जी, असा जो विश्वास बिच मजबूत बणाओ।

लूका 17:6

प्रभु यीशु ने तिन्हा जो बोल्लेया, जे तुसा रा विश्वास सरेयाँ रे दाणे रे बराबर भी हुंदा, तां तुसा इस शहतुत रे बूट्टे जो बोल्ल गे, कि तू जड़ा का बुट्टि करी समुन्द्रा बिच लग्गी जा, तां तिन्ने तुसा री मन्नी लैणी थी।

लूका 18:6

फिरी प्रभु यीशु ने बोल्लेया, सुणो, तिस अधर्मी हाकिम ने कै बोल्लेया थिया?

लूका 19:8

जां यीशु ते तिन्हेरे चेल्‍ले तिसेरे घरे रोट्टी खाया करदे थिये तां जक्कई खड़े होई गेया अते यीशु जो बोलणा लग्गेया, ओ प्रभु जी, मैं अपणी धन-दौलत रा अद्दा हिस्सा गरीबां बिच्च बन्डी दैणी अते प्रभु जी मैं जिन्हा मणूआं जो ठग्गी करी तिन्हा का जरुरत का जादा लित्ते दा है तिन्हा जो मैं चार गुणा मोड़ी दिह्गां।

लूका 22:61

तिस्सी बेल्ले यीशु ने पतरस पास्से मुडी करी दिख्खेया, तां पतरस जो यीशु री तिस गल्ल रा चेता आया कि, आज मुर्गे ने तां तांइ बांग नी दैणी जां तांइ तू मेरे जो पछियानणे का तीन्न वरी मुक्करी नी जांह्ग्गा

लूका 24:3

तां से अन्दर गई, पर तिन्हा जो प्रभु यीशु री लास नी मिल्ली

लूका 24:34

जे बोल्लेया करदे थिये, प्रभु जी, सच्ची ही जिन्दा होई गेरे हिन तिन्हा ने शमौन पतरस जो दर्शन दित्तेया।

लूका 7:12

जां से तिस ग्रां रे दुआर का पूज्जे, तां इक्क बड्डी भीड़ मणू इक्क मुर्दे जो दबणे तांइ तिस ग्रां का बाहर लेई चले रे थिये। मरणे वाला जे थिया, से अपणी मां रा इकलौता मुन्डा थिया, अते तिसेरी मां विधवा थी।

लूका 7:14

अते से तिस अर्थी का गे अते जाई करी तिस अर्थी जो छुतेया जिन्हा ने अर्थी चुक्केरी थी, से रुकी गे तां यीशु ने बोल्लेया, ओ जुआन, मैं तिज्जो बोलदा कि उठी जा!

लूका 7:19

तां यूहन्ना ने अपणे दो चेल्‍लेयां जो यीशु का ए पूच्छणे तांइ भेज्जेया, कि जिस मसीह यीशु जो असी भालदे हिन, से तुसा ही हिन, कि से कोई होर है?

लूका 8:52

सब जणे तिस कुड़ी रे मरी जाणे पर रोया करदे थिये, पर यीशु ने तिन्हा जो बोल्लेया, रोणा बांद्द करो किजोकी ए कुड़ी तां मरे री नी ए, बल्कि सुत्ते री ए

यूहन्ना 11:2

ए ओ ही मरियम थी जिनिये प्रभु रे पैरां पर इत्र पाई करी उन्हेरे पैरां जो अपणे बालां कने पुंजेया थिया, इसेरा ही भाई लाज़र बिमार थिया।

यूहन्ना 11:3

अते उसेरी भैण ने तिसजो कहलाई भेजेया, ओ प्रभु, दिख, जिस जो तू प्यार करदे, ओ बिमार है

यूहन्ना 20:13

अते तिन्हा ने मरियम जो बोल्लेया, ओ कुड़िये, तू किजो रुन्दी है? तिन्ने तिन्हा जो बोल्लेया, से मेरे प्रभु रे सरीर जो चुक्की लेई गे हिन अते मेरे जो नी है पता कि तिन्हा ने उन्हा जो कुते रख्खे रा है।

यूहन्ना 20:15

यीशु ने तिसजो बोल्लेया, ओ कुड़िये, तू किजो रुन्दी है? तू कुस जो तोपदी है? मरियम ने यीशु जो माली समजी करी तिन्हा जो बोल्लेया, श्रीमान, जे तुसा तिन्हा रे सरीर जो लेई गेरे हिन तां मेरे जो दस्सी देयो कि तिन्हा जो कुते रख्खेया रा है? मैं तिन्हा जो लेई जांगी।

यूहन्ना 4:1

फिरी जां प्रभु जी जो पता लग्गेया कि फरीसियां ने सुणे रा है कि यीशु यूहन्ना का भी जादा चेल्‍ले बणांदा ते तिन्हा जो बपतिस्मा दिन्दा

यूहन्ना 6:23

तां बाकि किस्तियां, गलीली समुन्द्र रे किनारे बसे रे इक्क सहर तिबिरियुस बिच तिस जगाह् पर आई, जित्ते तिन्हा ने प्रभु रा शुकर करणे का बाद रोट्टी खाई थी।

1 कुरुन्थियों 7:30

जे मणू दुख मनाया करदे हिन, ते जे मणू खुसी मनाया करदे हिन या जे मणू चीजां खरिद्देया करदे हिन तिन्हा सारेयां जो परमेश्वर री सेवा करणे बिच इय्यां मन लाणा चाएदा जिय्यां कि से मणू इन्हा बिच का कोई भी चीज ना करदे होण।

1 थिस्सलुनीकियों 4:13

ओ संगी विश्वासियों, असी ए चाह्‍ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।