लूका 6:3 - चम्बयाली नौआ नियम

³ यीशु ने तिन्हा जो जवाब दित्तेया, कै तुसा ने पवित्रशास्त्र बिच ए नी पढ़ेया कि जां दाऊद अते तिसेरे साथियां जो भूख्ख लग्गी तां उन्हा ने कै कित्तेया थिया?

लूका 6:3 ပူးပေါင်းရင်းမြစ်များ

मत्ती 19:4

उन्हा जो यीशु ने जवाब दित्तेया, कै तुसा ने शास्त्र बिच नी पढ़े रा है कि दुनिया जो रचणे वाले ने सुरु बिच, उन्हा जो इक्क जनानी ते इक्क मड़द रे रुप बिच रचेया थिया?

मत्ती 21:16

ते तिन्हा जो बोलणा लग्गे, कै तू सूणदा कि ए मणू कै हिन बोल्लेया करदे? यीशु ने तिन्हा जो बोल्लेया, हाँ कै तुसा ए कदी नी पढ़ेया: मुडेंया ते दूद्द पिदें बच्चेयां का तू अपणी महिमा कराई?

मत्ती 21:42

यीशु ने तिन्हा जो बोल्लेया, कै तुसा कदी पवित्रशास्त्र बिच ए नी पढ़ेया: जिस बट्टे जो राजमिस्त्रियां ने ठुकराई दित्तेया थिया, से ही कुणे रे सिरे रा बट्टा होई गेया? ए परमेश्वर रे पास्से का होया ते असा री नजर बिच अनौखा है।

मत्ती 22:31

पर मरे होए रे फिरी जिन्दे होणे रे बारे बिच कै तुसा ए वचन नी पढ़ेया जे परमेश्वर ने तुसा कने बोल्लेया;

मत्ती 4:2

जां यीशु चाली रोज अते चाली रात्तां तिकर ब्रत्त रख्खी बैठ्ठे तां तिन्हा जो भूख लग्गी।

मरकुस 12:10

कै तुसा ने पवित्रशास्त्र अन्दर ए वचन नी पढ़ेया? ‘जिस पत्थर जो मिस्त्रियां ने तुच्छ समजेया थिया, सेह्ई कुणे रा खास पत्थर बणी गेया।

मरकुस 12:26

पर अवे, मरे रे लोक्कां रे जिन्दे होणे रे बारे बिच कै तुसा मूसा री कताबां री तिस बलदी झाड़ी री कहाणी बिच ए नी पढ़ेया? अब्राहम, इसहाक ते याकूब रे मरणे रे मते साल्लां बाद भी परमेश्वर मूसा कने बोलदे, ‘मैं अब्राहम रा परमेश्वर, इसहाक रा परमेश्वर ते याकूब रा परमेश्वर है।’