लूका 6:12 - चम्बयाली नौआ नियम

¹² फिरी इक्क रोज यीशु प्रार्थना करणे तांइ पहाड़ पर चढ़ी गे, अते सारी रात परमेश्वर का प्रार्थना करदे रे।

लूका 6:12 ပူးပေါင်းရင်းမြစ်များ

मत्ती 5:1

यीशु ने जां भीड़ दिख्खी तां से तिन्हा लोक्कां जो सखाणे तांइ फाट्टा पर चढ़ी गे ते तित्ते बेई गे, ते तिन्हेरे चेल्‍ले तिन्हेरे का आये,

मत्ती 6:6

पर जां तू प्रार्थना करे, तां अपणे कमरे बिच जा, ते दुआर बांद्द करी के गुप्त बिच अपणे पिता परमेश्वर का प्रार्थना कर जे स्वर्ग बिच हिन, तां परमेश्वर पिता ने तुसा जो ईनाम दैणा जे स्वर्ग का तुसा जो गुप्त रीति कने दिखदे रैहन्दे।

मरकुस 1:35

अगली भ्याग यीशु न्याहरे-न्याहरे ही जाग्गी होए। ते से घरे का निकली करी इक्क सुनसान जगाह् पर जाई करी प्रार्थना करणा लगे।

मरकुस 3:13

फिरी यीशु पहाड़ पर चढ़ी गे, ते जिन्हा लोक्कां जो से अपणे का सदणा चाह्‍ंदे थिये तिन्हेरे जो अपणे नेड़े सद्देया ते से तिन्हेरे नेड़े आए।

मरकुस 6:46

चेल्‍लेयां जो भेजी करी यीशु पहाड़ पर प्रार्थना करणे जो चली गे।

लूका 5:16

पर यीशु प्रार्थना करणे तांइ कह्ल्ले बियाबान जगाह् जो चुपचाप चली जान्दे थिये।

लूका 6:11

ए दिख्खी करी, जे यीशु रे खलाफ़ थिये, से लैहरिये अते अप्पु-मिते ए बोलणा लगे कि यीशु कने कै कित्तेया जाये?

लूका 6:17

जिस बेल्ले यीशु पहाड़ का उतरी करी पधरी जगाह् बिच आई करी खड़े होये तां तित्ते तिन्हेरे चेल्‍ले अते यहूदिया, यरुशलेम, सूर अते सैदा रे सहर रे समुन्द्री इलाकेयां का आए रे मते लोक्कां री बड्डी भीड़ तित्ते आई गई।

लूका 9:18

इक्क रोज यीशु मणूआं का बखरे होई करी इक्क कह्ल्ली जगाह् बिच प्रार्थना करणे जो गे, ते तिन्हेरे सोग्गी चेल्‍ले भी थिये, तां यीशु ने तिन्हा का पूच्छेया, कि मणू मेरे बारे अन्दर कै सोचदे कि मैं कुण है?

लूका 9:28

इन्हा गल्लां रे कोई आठ्ठ रोज्जां बाद यीशु अपणे कन्ने पतरस, याकूब, ते यूहन्ना जो लेई करी प्रार्थना करणे तांइ इक्क पहाड़ पर गे।

लूका 9:29

प्रार्थना करदे-करदे यीशु रा रुप ही बदली गेया ते तिन्हेरे कपड़े लस्कदे-गाढ़े चिट्टे रांग रे होई गे

यूहन्ना 6:3

तां यीशु पहाड़ा पर चढ़ी करी अपणे चेल्‍लेयां कने उत्ते बेई गे

कुलुस्सियों 4:2

जां तुसा प्रार्थना करदे, तां पूरी लगन कने करेया करो, हमेसा चुकन्ने रेया करो ते हमेसा परमेश्वर रा शुकर करदे रेया करो।

इब्रानियों 5:7

जा मसीह यीशु इस दुनिया बिच इक्क मणू रे रुप बिच थिये, तां तिन्हा ने तिस परमेश्वर का रोई-रोई करी प्रार्थनां ते मिन्नतां कित्ती, जे तिन्हा जो मौत का बचाई सकदे थिये। ते परमेश्वर ने तिन्हेरी प्रार्थना सुणी किजोकी यीशु निमतेपन कने परमेश्वर रा हुकम मनणे तांइ तैयार थिये।