लूका 5:9 - चम्बयाली नौआ नियम

⁹ किजोकी इतणी सारी मच्छियाँ रे पकड़िणे कने शमौन अते तिसेरे सारे मित्तरां जो बड़ी हैरानी होई

लूका 5:9 ပူးပေါင်းရင်းမြစ်များ

मरकुस 9:6

पतरस ने इय्यां इधेरे तांइ बोल्लेया किजोकी से मणू इन्ने डरी गेरे थिये कि समजी नी थिये पांदे कि होर कै बोलण।

लूका 2:18

जितणे भी मणूआं ने पुहालां री ए गल्ल सूणी, से सब मणू हैरान होई गे।

लूका 4:32

अते मणू तिन्हेरी गल्लां सुणी करी हैरान होई गे, किजोकी से अपणी गल्लां हक कने बोल्दे थिये

लूका 4:36

ए दिख्खी करी सब हैरान होई गे ते से अप्पु-मिते बोलणा लगे, ए कदेह्या वचन है? किजोकी ए हक अते ताकत कने दुष्टात्मा जो हुकम देया करदे हिन ते से इन्हेरे बोलणे पर निकली भी जान्दी हिन

लूका 5:10

अते इय्यां ही जब्दी रे दोह्ई पुत्तर, याकूब ते यूहन्ना, भी हैरान होई गे। फिरी यीशु ने शमौन जो बोल्लेया, शमौन डरां मत, किजोकी जिय्यां तू मच्छी पकड़दा, तियां ही तैं अज्ज का बाद मणूआं जो परमेश्वर रे चेल्‍ले बणाया करणा।

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।