लूका 5:6 - चम्बयाली नौआ नियम

⁶ जिस बेल्ले तिन्हा ने यीशु रे बोलणे पर दुबारा जाल पाया, तां तिन्हा ने सच्ची अन्दर मती सारी मच्छियाँ पकड़ियाँ, अते से इतणी जादा थिया कि तिन्हेरे जाल ही फटणा लग्गी पये।

लूका 5:6 ပူးပေါင်းရင်းမြစ်များ

लूका 5:7

इन्नी देर अन्दर पतरस ने अपणे दोस्तां जो इसारा करी के सद्देया, कि आई करी असा रा हत्थ बटाओ, फिरी तिन्हा ने आई करी दोन्नां किस्तियां जो मच्छी कने इतणा जादा भरी लेया, कि तिन्हेरी किस्तियां डुबणा ही लग्गी पेई।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

गलातियों 6:9

असा जो नेक कम्म करणे तांइ हिम्मत नी छडणी चाएदी, किजोकी जे अगर असी हिम्मत ना छड्डे तां असा ने परमेश्वर रे ठैहराए रे समय पर ईनाम पाणा।