लूका 5:34 - चम्बयाली नौआ नियम

³⁴ यीशु ने तिन्हा जो बोल्लेया, जिस बेल्ले तांइ नौआ लाड़ा ब्रातियां कन्ने हो, ब्राति भूख्खे नी रैह्‍न्दे

लूका 5:34 ပူးပေါင်းရင်းမြစ်များ

मत्ती 22:2

स्वर्ग रा राज तिस कहाणी सांई है जिस बिच इक्क राज्जे ने अपणे मुंडे रा ब्याह तांइ बड्डी धाम दित्ती।

मत्ती 9:15

यीशु ने तिन्हा जो बोल्लेया, “जां तांइ नौलाड़ा बरात्ती कने ए कै से दुखी होई सकदे?” पर से रोज भी आणा जां नौआ लाड़ा तिन्हा का बखरा कित्तेया जाणा, अते तिस बेल्ले तिन्हा ब्रत्त रखणे।

लूका 5:33

यहूदी शास्त्ररियां ने यीशु जो बोल्लेया, यूहन्ना ते फरीसियां रे चेल्‍ले प्रार्थना करदे अते ब्रत्त भी रखदे पर तुसा रे चेल्‍ले तां हर बेल्ले खांदे-पिन्दे ही रैह्‍न्दे।

लूका 5:35

पर इदेय रोज भी आणे, जिन्हा अन्दर नौआ लाड़ा ब्रातियां का बखरा करी दित्तेया जाणा, तां तिन्हा रोज्जे ब्रातियां ने अप्पु ही ब्रत्त रख्खी लेया करणे

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

2 कुरुन्थियों 11:2

मैं भी तिय्यां ही तुसा री फिकर करदा जिय्यां परमेश्वर तुसा री फिकर करदे। किजोकी मैं तुसा जो मसीह यीशु जो सौंपणे रा इराद्दा कित्ते रा है। ए तिय्यां ही है कि जिय्यां इक्क प्यो अपणी कुंआरी कुड़ी जो तिसेरे लाड़े जो ब्याह का बाद सौंपी दिंदा।