लूका 5:32 - चम्बयाली नौआ नियम

³² पर, मैं तिन्हा लोक्कां तांइ नी आया, जे कि भले अते नेक हिन, पर पापियां जो तिन्हेरे पाप्पां का तौबा कराणे तांइ तिन्हा जो सद्दणे तांइ आये रा है

लूका 5:32 ပူးပေါင်းရင်းမြစ်များ

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

मत्ती 9:13

“पर तुसा जाओ अते इस गल्ल रा मतलब समझो, मैं कुर्बानी नी पर रहम चाह्‍ंदा किजोकी मैं भले अते नेक मणूआं जो नी, पर पापियां जो सदणे आये रा ए।”

मरकुस 15:10

किजोकी पिलातुस जाणदा थिया कि बड्डे पुरोत्तां ने तिसजो इधेरे तांइ पकड़वाया थिया, किजोकी से यीशु का फूक्किन्दे थिये।

मरकुस 15:7

तां बरअब्बा नां रा इक्क कैदी, जिनिये इक्क दंगे बिच कुसकी रा खून करी दित्ते रा थिया।

मरकुस 2:17

यीशु ने ए सुणी करी उन्हा जो बोल्लेया, “खरे भलेयां जो वैद्द री जरुरत नी हुंदी पर बिमारां जो है, मैं तिन्हा जो सद्दणे तांइ नी आये रा है जिन्हा जो लगदा कि से पवित्र हिन; पर तिन्हा जो सदणा आये रा है जे मनदे कि से पाप्पी हिन।”

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 15:7

मैं तुसा जो बोलदा, कि इय्यां ही जां कोई मणू अपणे पाप्पां का तौबा करी लिन्दा तां स्वर्ग अन्दर इतणी ही खुसियां मनाई जान्दियां, जितणी कि तिन्हा नढ़िनूए ऐसे धार्मिक मणूआं तांइ नी, जिन्हा जो ए लगदा कि तिन्हा जो मन फिराणे री जरुरत नी है।

लूका 19:10

किजोकी मणू रा पुत्तर, जे मैं ही है तेरे जदेय होर भी मणूआं जो हमेसा री सजा का बचाणे तांइ आए रा है।

लूका 24:47

अते तिन्हेरा नां लेई करी यरुशलेम सहर अते देस-देस रे लोक्कां बिच पाप्पां का तौबा अते माफी पाणे रा सुब बसेख सुणाया जाणा।

लूका 5:31

यीशु ने तिन्हा जो जवाब दित्तेया, जिय्यां मरीजाँ जो ही हकीम अते वैद्दां री जरुरत हुंदी, ते जे भले-चन्गे हिन, तिन्हा जो नी, तिय्यां ही पापी मणूआं जो ही पाप माफ कराणे री जरुरत है ना कि भले अते नेक मणूआं जो

लूका 5:33

यहूदी शास्त्ररियां ने यीशु जो बोल्लेया, यूहन्ना ते फरीसियां रे चेल्‍ले प्रार्थना करदे अते ब्रत्त भी रखदे पर तुसा रे चेल्‍ले तां हर बेल्ले खांदे-पिन्दे ही रैह्‍न्दे।

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

प्रेरितां रे कम्म 3:26

परमेश्वर ने अपणे सेवक जो मरे रे लोक्कां बिच का जिन्दा करी के पैल्ले तुसा का भेज्जेया, कि तुसा बिच का हर इक्क जो तिन्हेरी बुराईयां का हटाई करी तिन्हेरे पास्से लेई आए ते आशीष दे।

प्रेरितां रे कम्म 5:31

तिसजो परमेश्वर ने प्रभु ते छुटकारा दैणे वाला बणाई करी अपणे सज्जे हत्थ पास्से उच्चां करी दित्तेया कि से इस्राएलियां जो तौबा करी के ताकत ते पाप्पां री माफी देई सके।

2 पतरस 3:9

किच्‍छ मणू इय्यां सोचदे कि परमेश्वर अपणे वापिस हटणे रे वादे जो पूरा करणे बिच देर करेया करदे हिन। पर परमेश्वर तिस तरिक्के कने देर नी करेया करदे हिन। बल्कि से तुसा कने सबर कने रेया करदे हिन, किजोकी से कुसकी जो मुकाणा नी चाह्‍ंदे। पर से चाह्‍ंदे कि सारे अपणे मन जो बदली करी, गलत कम्म करणा छड्डी करी, तिन्हा का आए।