लूका 5:26 - चम्बयाली नौआ नियम

²⁶ तां फिरी सब जणे हैरान होई गे ते परमेश्वर री बड़ाई करणा लगे अते बड़े वरी डरी गे अते बोलणा लगे, अज्ज असा ने इक्क अलग ही नजारा दिख्खेया

लूका 5:26 ပူးပေါင်းရင်းမြစ်များ

मत्ती 12:23

अते सबणी मणूआं जो बड़ी हैरानी होई अते से बोल्णा लग्गे, कै ए मणू दाऊद रा पुत्तर होई सकदा?

मत्ती 28:8

से डर अते बड़ी खुसी कने कब्र का हटी करी उसेरे चेल्‍लेयां जो सुब बसेख दैणे तांइ दौड़ी गेईयां।

मत्ती 9:8

मणू ए दिख्खी करी डरी गे अते परमेश्वर री महिमा करणा लग्गे जिनिये मणू जो इदेयी ताकत दित्ती।

मरकुस 2:12

से उठ्ठेया ते तिस्सी अपणा पन्द चुक्की करी सारेयां रे बिच का निकली करी अपणे घरे चली गेया। इस पर सारेयां जो हैरानी होई, ते परमेश्वर री बड़ाई करी के बोलणा लग्गे, “असां ने इदेया कदी नी दिख्खेया।”

लूका 1:65

तिसेरे अख्खी-बख्खी जिन्ने भी मणू थिये, से सब ए दिख्खी करी बड़े डरी गे इस गल्ल री खाप्प यहूदियां रे सारे पहाड़ी कस्बे बिच पेई गई।

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

लूका 7:16

ए दिख्खी करी मणू डरी गे, अते परमेश्वर री बड़ाई करी के बोल्णा लगे कि, इक्क बड्डा भविष्यद्वक्ता असा का आए रा है, परमेश्वर ने अपणे लोक्कां पर बड़ी दया कित्ती है।

लूका 8:37

ते तित्ते जे किच्‍छ भी होया थिया तिसजो दिख्खी करी गिरासेन इलाके रे रैह्णे वाले मणूआं ने यीशु रे छंदे कित्ते कि तुसा इत्ते का चली जाओ किजोकी ए सब दिख्खी करी से सब डरी गेरे थिये फिरी यीशु किस्ती पर चढ़ी करी झील रे दूज्जे पास्से हटी आये।

प्रेरितां रे कम्म 4:21

तां तिन्हा ने तिन्हेरे जो होर धमकाइ करी छड्डी दित्ता, किजोकी लोक्कां री वजह कने तिन्हेरे जो सजा दैणे रा कोई मोक्कां नी मिल्लेया, इधेरे तांइ जे गल्ल होए री थी तिसेरी वजह कने सारे मणू परमेश्वर री बड़ाई करेया करदे थिये।

गलातियों 1:24

अते परमेश्वर ने जे कम्म मेरे तांइ कित्ते रा है तिस वजह कने से परमेश्वर री महिमा करणा लगे।