लूका 5:25 - चम्बयाली नौआ नियम

²⁵ तां से मणू तिस्सी बेल्ले सबणी मणूआं सामणे खड़ी गेया, ते जिस मन्ज्जे पर लेटे रा थिया, तिस्जो चुक्की करी परमेश्वर री बड़ाई करदा, अपणे घरे चली गेया।

लूका 5:25 ပူးပေါင်းရင်းမြစ်များ

मत्ती 9:8

मणू ए दिख्खी करी डरी गे अते परमेश्वर री महिमा करणा लग्गे जिनिये मणू जो इदेयी ताकत दित्ती।

मरकुस 2:12

से उठ्ठेया ते तिस्सी अपणा पन्द चुक्की करी सारेयां रे बिच का निकली करी अपणे घरे चली गेया। इस पर सारेयां जो हैरानी होई, ते परमेश्वर री बड़ाई करी के बोलणा लग्गे, “असां ने इदेया कदी नी दिख्खेया।”

लूका 13:13

ते यीशु ने तिसेरे सरा पर हत्थ रख्या, ते तिस्स ही बेल्ले, सीद्दी होई करी से खड़ी गई, ते परमेश्वर री बड़ाई करणा लग्गी पेई।

लूका 18:43

तां से तिस्सी बेल्ले दिख्णा लग्गी पेया अते परमेश्वर री बड़ाई करणा लग्गेया अते यीशु रे पीच्छे चली पेया अते ए सब किच्‍छ दिख्खी करी मणू परमेश्वर री बड़ाई करणा लगे।

लूका 5:13

यीशु ने अपणा हत्थ बधाई करी तिसजो छुत्तेया ते बोल्लेया, मैं चाह्‍ंदा कि तू ठीक होई जाये ते तिसेरा कोढ़ तिस्सी बेल्ले ठीक होई गेया।

यूहन्ना 9:24

तां उन्हा ने तिस मणू जो जे अह्ना थिया, दुई वरी सद्दी करी तिसजो बोल्लेया, परमेश्वर री कसम खाई करी सच बोल किजोकी असी तां जाणदे कि से मणू पाप्पी है।