लूका 5:22 - चम्बयाली नौआ नियम

²² पर यीशु तिन्हेरे मन री गल्ल जो समजी गे, ते तिन्हा जो जवाब दित्तेया, तुसा अपणे मन अन्दर इय्यां किजो सोचदे, मैं परमेश्वर री बेज्ज़ती करेया करदा है?

लूका 5:22 ပူးပေါင်းရင်းမြစ်များ

मत्ती 12:15

पर यीशु ए जाणी गे अते तित्ते का चली गे बड़े भरी लोक्की तिन्हेरे पीच्छे चली पेह् अते यीशु ने तिन्हा सबनियां जो खरा कित्तेया,

मत्ती 12:25

यीशु जो तिन्हेरे विचारां रा पता लग्गी गेया अते से तिन्हा जो बोलणा लग्गे, जिस राज बिच फूट पेई जांदी, से खत्म होई जांदा, अते जिस सहर या टब्बर बिच फूट पेई जाओ से नी टिकदा।

मत्ती 9:4

यीशु ने तिन्हेरे मन री गल्लां जो जाणी करी बोल्लेया, “तुसां अपणे-अपणे मन अन्दर बुरा किजो सोच्चेया करदे हिन।”

मरकुस 8:17

यीशु जाणदे थिये कि चेल्‍ले अप्पु मिते कै गल्ल बात हिन करेया करदे। यीशु ने चेल्‍लेयां जो बोल्लेया, “तुसी किजो अप्पु-मिते सोच्चेया हिन करदे कि असा का रोट्टी नी है? कै हल्ले तिकर नी समजदे? कै तुसा रा मन कठोर होई गे रा है?

लूका 24:38

पर यीशु ने तिन्हा जो बोल्लेया, तुसा किजो घबराया करदे हिन? तुसा रे दिलां बिच शक किजो आया करदे हिन?

लूका 5:21

यीशु री इन्हा गल्लां जो सुणी करी यहूदी शास्त्रि ते फरीसी अप्पु-मिते सोच-विचार करणा लगे, अप्पु जो परमेश्वर रे बराबर समजणे वाला, ए हुन्दा कुण? ए तां परमेश्वर री बेजती करेया करदा है, किजोकी परमेश्वर जो छड्डी करी, होर दुज्जा कोई पाप्पां जो माफ नी करी सकदा

लूका 5:23

कै ए बोलणा असान है, तेरे पाप माफ होई गे कि ए बोलणा, उठ अते हंड?

प्रेरितां रे कम्म 5:3

पतरस ने बोल्लेया, ओ हनन्याह! शैतान ने ए गल्ल तेरे मन बिच किजो पाई की तू पवित्रात्मा कने झूठ बोल्ले, ते अपणी जायदाद बिच का थोड़ा हिस्सा बेच्चेया थिया, तिसेरे दाम बिच का किच्‍छ रख्खी छड्डे?

इब्रानियों 4:12

किजोकी परमेश्वर रा वचन जिन्दा, असरदार ते कुसकी भी दोधारी तलवार का जादा पैन्ना है, से आत्‍मा ते प्राण, ते जिस्म रे जोड़ां ते चर्बी रे आरपार छेदी रखदा, ते मन री इच्छा ते गल्लां जो परखदा।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।