लूका 5:21 - चम्बयाली नौआ नियम

²¹ यीशु री इन्हा गल्लां जो सुणी करी यहूदी शास्त्रि ते फरीसी अप्पु-मिते सोच-विचार करणा लगे, अप्पु जो परमेश्वर रे बराबर समजणे वाला, ए हुन्दा कुण? ए तां परमेश्वर री बेजती करेया करदा है, किजोकी परमेश्वर जो छड्डी करी, होर दुज्जा कोई पाप्पां जो माफ नी करी सकदा

लूका 5:21 ပူးပေါင်းရင်းမြစ်များ

मत्ती 26:65

इस पर प्रधान पुरोत्त ने अपणे कपड़े फाड़े ते बोल्लेया, इसने परमेश्वर री बेजती कित्ती री है, अवे असा जो गवाई री कै जरुरत? दिख्खो, तुसा अब्बे ए बेजती सुणे री है।

मत्ती 9:3

अते शास्त्रियां बिच किच्‍छ अप्पु-मित्ते बोलणा लग्गे, “ए तां परमेश्वर री बेजती करेया करदा है।”

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

लूका 5:17

इक्क रोज इय्यां होया, यीशु मणूआं जो उपदेस देया करदे थिये ते फरीसी ते शास्त्रि मणू तित्ते बैठ्ठे रे थिये, जे कि गलील प्रदेश ते यहूदियां प्रदेश रे हर इक्क ग्रां अते यरुशलेम सहर का आये रे थिये, ते मणूआं जो खरा करणे तांइ प्रभु री ताकत यीशु कने थी।

लूका 5:22

पर यीशु तिन्हेरे मन री गल्ल जो समजी गे, ते तिन्हा जो जवाब दित्तेया, तुसा अपणे मन अन्दर इय्यां किजो सोचदे, मैं परमेश्वर री बेज्ज़ती करेया करदा है?

लूका 7:49

तां जे मणू तिन्हा कन्ने रोट्टी खाणा बैठ्ठे रे थिये, से अपणे मनां अन्दर सोचणा लगे कि मणूआं रे पाप्पां जो तां सिर्फ परमेश्वर ही माफ करी सकदे तां ए इय्यां बोलणे वाला कुण हुंदा?

यूहन्ना 10:33

यहूदियां ने तिन्हा जो जवाब दित्ता, ठीक कम्म तांइ असी तुसा जो बट्टे नी मारदे पर परमेश्वर री बेजती करणे री वजह ते इस तांइ की तुसा मणू होई करी अप्पु जो परमेश्वर बणादां।

रोमियों 8:33

कोई भी परमेश्वर रे सामणे असा पर इल्जाम नी लाई सकदा, किजोकी परमेश्वर ने असा जो धार्मिक ठैहराए रा है।