लूका 5:17 - चम्बयाली नौआ नियम

¹⁷ इक्क रोज इय्यां होया, यीशु मणूआं जो उपदेस देया करदे थिये ते फरीसी ते शास्त्रि मणू तित्ते बैठ्ठे रे थिये, जे कि गलील प्रदेश ते यहूदियां प्रदेश रे हर इक्क ग्रां अते यरुशलेम सहर का आये रे थिये, ते मणूआं जो खरा करणे तांइ प्रभु री ताकत यीशु कने थी।

लूका 5:17 ပူးပေါင်းရင်းမြစ်များ

मत्ती 11:5

कि अन्ने दिखदे हिन, अते अपाहिज हंडदे फिरदे हिन, कोढ़ी सुच्चे कित्ते जाया करदे हिन, अते टौणे सूणदे हिन, मुर्दे जिंदा होया करदे हिन, अते गरीबां जो सुब बसेख सुणाया जाया करदा है।

मत्ती 15:1

तां यरुशलेम सहर का किच्‍छ फरीसी अते शास्त्रि मणू यीशु का आई करी बोलणा लग्गे,

मरकुस 1:45

पर से बाहर जाई करी इस गल्ल रा बड्डा प्रचार करणे ते इत्ते तक फैलाणा लग्गेया कि यीशु फिरी नगर बिच खुली करी नी जाई सके, पर बाहर सुनसान इलाकें बिच रेया ते चारो पास्से का मणू उस का आन्दे रेय।

मरकुस 16:18

तिन्हा ने अपणे हत्थां कने कीड़ेयां जो चुक्की लैणा, अते जे से जैहरील्ली चीज भी पी जान्गे तां भी तिन्हेरा कोई नुक्सान नी होणा, तिन्हा ने बिमारां पर हत्थ रखणा, ते बिमारां ठीक होई जाणा।”

मरकुस 3:22

शास्त्रि भी जे यरुशलेम सहर का आए रे थिये ए बोलदे थिये, “उसेरे बिच दुष्टात्मा है,” ते “ओ दुष्टात्मां रे सरदार री मदद कने लोक्कां बिच का दुष्टात्मा जो कडदा।”

मरकुस 5:30

यीशु ने इक्क-दम अपणे बिच ए जाणी लेया की मेरे बिच का ताकत निकली, ते भीड़ बिच पीच्छे फिरी करी पूच्छेया, “मेरे कपड़े जो कुनिये छुए?”

मरकुस 7:1

इक्क दिन किच्‍छ फरीसी ते शास्त्रि मणू यरुशलेम सहर का आई करी यीशु रे नेड़े कठ्ठी गे।

लूका 15:2

ए दिख्खी करी फरीसी ते शास्त्रि लोक्कां बुड़-बुड़ करणा लगे, कि ए तां पापी मणूआं कन्ने रैहन्दा अते तिन्हा कन्ने रोट्टी भी खाई लिन्दा

लूका 2:46

फिरी इय्यां होया कि त्रीय्ये रोज्जे तिन्हा ने यीशु जो मन्दिर रे अंगण बिच परमेश्वर रे कानून रे सखाणे वालेयां रे मंझाटे बैठ्ठे रा ते तिन्हेरी सूणदे ते तिन्हा कने सुआल पुछदे दिख्खेया।

लूका 5:21

यीशु री इन्हा गल्लां जो सुणी करी यहूदी शास्त्रि ते फरीसी अप्पु-मिते सोच-विचार करणा लगे, अप्पु जो परमेश्वर रे बराबर समजणे वाला, ए हुन्दा कुण? ए तां परमेश्वर री बेजती करेया करदा है, किजोकी परमेश्वर जो छड्डी करी, होर दुज्जा कोई पाप्पां जो माफ नी करी सकदा

लूका 5:30

तां फरीसी ते यहूदी शास्त्रि, यीशु रे चेल्‍लेयां कने सिकाइत करणा लगे, तुसा यहूदी होई करी चुंगी लैणे वाले ते पापी मणूआं कने किय्यां खाणा-पीणा बेई जान्दे?

लूका 6:19

सब मणू तिन्हा जो छुणा चाह्‍ंदे थिये किजोकी तिन्हेरे बिच का ताकत निकली करी मणूआं जो खरा करदी थी।

लूका 7:30

पर फरीसियां अते शास्त्री लोक्कां ने परमेश्वर री मर्जी जो सच नी मन्नी करी यूहन्ना का बपतिस्मा लैणे का मना करी दित्ता थिया।

लूका 8:46

पर यीशु ने बोल्लेया, कुसकी न कुसकी ने तां मेरे जो जरुर छुतेया, किजोकी मेरे अन्दरा का ताकत निकली ए

यूहन्ना 3:10

ए सुणी करी यीशु ने बोल्लेया, तू इस्राएलियों रा गुरु होई करी भी कै इन्हा गल्लां जो भी नी समजदा?

यूहन्ना 3:21

पर जे मणू सच्चाई रे रस्ते पर चलदा, से रौसनी रे नेड़े आंदा है ताकि दूए मणू दिख्खी सके कि तिनिये परमेश्वर रे हुकमां जो मन्ने रा है।

प्रेरितां रे कम्म 19:11

ते परमेश्वर पौलुस रे जरिए का ताकत रे अनौखे चमत्कार करान्दे रे।

प्रेरितां रे कम्म 4:30

जिस बेल्ले ठीक करणे तांइ तुसा अपणा हत्थ बधाओ कि चिन्ह-चमत्कार ते अनौखे कम्म तुसा रे पवित्र सेवक यीशु रे नां कने कित्ते जाण।

प्रेरितां रे कम्म 5:34

पर गमलीएल नां रे इक्क फरीसी ने जे शास्त्रि लोक्कां ते सारे लोक्कां बिच बड़ा मन्नेया जादां थिया, सभा बिच खड़ी करी प्रेरितां जो थोड़ी देर तांइ बाहर करी दैणे रा हुकम दित्तेया,