लूका 5:14 - चम्बयाली नौआ नियम

¹⁴ यीशु ने तिसजो बोल्लेया, कुसकी जो भी ए मत बोलदा कि तिज्जो मैं खरा कित्ता, पर जाई करी अप्पु जो पुरोत्त का दिखा ते मूसा भविष्यद्वक्ता ने कुसकी कोढ़ी रे सुच्चा होणे तांइ जे भी कुर्बानी चढ़ाणे तांइ पवित्रशास्त्र बिच लिख्खे रा है, तिसजो चढ़ा, ताकि मणूआं जो भी पता लग्गे कि तू अवे खरा होई गेया है।

लूका 5:14 ပူးပေါင်းရင်းမြစ်များ

मत्ती 10:18

तुसा जो मेरी वजह कने राज्पालां अते राज्जेयां रे सामणे लित्तेया जाणा, ताकि उन्हा पर अते गैर यहूदियां रे लोक्कां तांइ गवाह बणो।

मत्ती 12:16

अते तिन्हा जो समजाया कि मेरे जो प्रकट मत करदे।

मत्ती 8:4

यीशु ने तिसजो बोल्लेया, दिख्ख, “कुसी जो भी मत बोलदा, पर जाई करी अप्पु जो पुरोत्त जो दस्स अते जे चढ़ाणे तांइ मूसा ने दस्से रा ए तिसजो चढ़ा, ताकि उन्हा पर गवाई होई जाओ।”

मत्ती 9:30

अते अन्नेया जो दिसणा लग्गी पेया, यीशु ने तिन्हा जो सावधान कित्तेया अते बोल्लेया, दिख्खो, ए कुस जो भी मत बोलदे।

मरकुस 1:44

ते तिन्हा ने तिसजो बोल्लेया, “दिख्ख कुसकी कने किच्‍छ मत बोलदा पर जाई करी अपणे आप जो पुरोत्त जो दिखा, ते कोढ़ का ठीक होणे रे बारे बिच जे किच्‍छ मूसा ने ठैहराए रा है से कुर्बानी चढ़ा ताकि तित्ते रे लोक्कां पर गवाई हो।”

मरकुस 6:11

जिस जगाह् रे मणू तुसा जो ना अपनाण ते तुसा री ना सूणन, उत्ते का जादें ही अपणे तलियां री धूड़ झाड़ सूट्टो ताकि ए तिन्हा लोक्कां रे खलाफ ए गवाई हो कि तिन्हा ने तुसा री गल्ल नी सूणी।”

लूका 17:14

यीशु ने तिन्हा जो दिख्खेया अते बोल्लेया, कि अपणे आप जो पुरोत्तां जो दिख्खाओ। जां से यीशु री गल्ल मन्नी करी वापिस हटेया करदे थिये तां से रस्ते बिच ही कोढ सुच्चे होई गे।

लूका 5:13

यीशु ने अपणा हत्थ बधाई करी तिसजो छुत्तेया ते बोल्लेया, मैं चाह्‍ंदा कि तू ठीक होई जाये ते तिसेरा कोढ़ तिस्सी बेल्ले ठीक होई गेया।

लूका 9:5

जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन