लूका 4:5 - चम्बयाली नौआ नियम

⁵ फिरी शैतान तिन्हा जो इक्क ऊच्ची का ऊच्ची जगाह् पर लेई गेया ते तिन्हेरे दिखदे ही दिखदे दुनिया-भर रे सारे देस दिखाए।

लूका 4:5 ပူးပေါင်းရင်းမြစ်များ

मत्ती 24:14

ते स्वर्ग राज रा ए सुब बसेख सारी दुनिया रे सारे लोक्कां बिच सूणाई जाणी, ताकि सारी दुनिया रे लोक्कां जो मनणे रा मौक्का मिल्ले, तां दुनिया रे मुकणे रा समय आई जाणा।

मत्ती 4:8

फिरी शैतान तिन्हा जो इक्क बड़े उच्चे पहाड़ पर लेई गेया अते दुनिया रे सारे राज अते तिन्हेरी महिमा दिखाई करी तिन्हा जो बोल्लेया,

1 कुरुन्थियों 7:31

किजोकी असी जाणदे कि इस दुनिया ने बड़े तौले ही मुकी जाणा इधेरे तांइ तुसा बिच का कुसकी जो भी दुनिया री कुसकी भी चीज कने बड़ा जादा दिल नी लाई लैणा चाएदा।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।