लूका 4:43 - चम्बयाली नौआ नियम

⁴³ पर यीशु ने तिन्हा जो बोल्लेया, मेरे जो होर सहरां अन्दर भी जाई करी परमेश्वर रे राज करणे री सुब बसेख दैणा जरुरी है किजोकी मेरे जो इस्सी मकसद कने भेजेया गे रा है

लूका 4:43 ပူးပေါင်းရင်းမြစ်များ

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मरकुस 1:35

अगली भ्याग यीशु न्याहरे-न्याहरे ही जाग्गी होए। ते से घरे का निकली करी इक्क सुनसान जगाह् पर जाई करी प्रार्थना करणा लगे।

यूहन्ना 20:21

तां यीशु ने तिन्हा जो फिरी बोल्लेया, तुसा जो सांती मिल्लो जिय्यां परम पिता ने मेरे जो भेज्जेया है, तिय्यां ही मैं भी तुसा जो दुनिया रे लोक्कां का भेजदा।

यूहन्ना 9:4

जिनिए मेरे जो भेज्जे रा है, असा जो तिन्हेरा कम्म दिन रैहन्दे ही करणा जरुरी है।

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

2 तीमुथियुस 4:2

कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।