लूका 4:25 - चम्बयाली नौआ नियम

²⁵ ते ए भी सुणी लेयो कि एलिय्याह नबी रे दिनां अन्दर साड्डे त्रै साल तांइ आसमान का बरखा नी होई, होर-तां-होर, पूरे देस अन्दर बड़ा अकाल पेया थिया ते इस्राएल अन्दर मती सारी विधवा जनानियां थिया जिन्हा जो मदत री बड़ी जरुरत थी

लूका 4:25 ပူးပေါင်းရင်းမြစ်များ

मत्ती 20:15

“क्‍या ए ठीक नी है कि मेरी दौलत जो जिय्यां मर्जी इस्तेमाल करां? मेरा कुसकी कने भलाई करणे पर तिज्जो जलन नी होणा चाएदी।

लूका 10:21

तिस ही बेल्ले यीशु पवित्रात्मा बिच मगन होई करी बड़े खुस होये ते बोलणा लगे, ओ मेरे पिता जी, तुसा आसमान ते जमीन रे प्रभु हिन, मैं तुसा रा बड़ा शुकर करदा, कि तुसा ने इन्हा गल्लां जो उन्हा मणूआं का दुर रखेया जे अप्पु जो बड़े भरी ज्ञानी ते चलाक मन्दे, ते इन्हा बच्चेयां जो सेह्ई गल्लां दस्सी दित्तीयां, हाँ, मेरे पिता जी, तुसा जो इय्यां करणा ही खरा लग्गेया।

रोमियों 9:15

किजोकी परमेश्वर ने मूसा कने बोल्लेया थिया, “मैं जिस पर भी दया करणा चाह्‍ंगा, तिस पर दया करणी, ते जिस कुसकी पर अनुग्रह करणा चाह्‍ंगा, तिस पर अनुग्रह करणा।”

रोमियों 9:20

ना, इय्यां मत बोल। तू इक्क मामुली इन्सान होई करी, किय्यां परमेश्वर जो जवाब देई सकदा? कै मिट्टी जो अपणे बणाणे वाले कुम्हार का ए पूच्छणे रा हक है, कि तू मेरे जो इदेया किजो बणाया?

इफिसियों 1:11

अते परमेश्वर ने भी असा रा मसीह यीशु कने रा रिस्ता बणाणे रे जरिये असा जो तिन्हेरे अपणे मणू बणाया, किजोकी सुरुआत का ही तिन्हेरी ए योजना थी, ते परमेश्वर सब किच्‍छ अपणी इच्छा ते योजना रे हिसाब कन्ने करदे।

इफिसियों 1:9

परमेश्वर ने अपणी इच्छा रा राज़ ठीक इराद्दे कने असा पर जाहिर कित्तेया, जे तिन्हा ने अप्पु मसीह यीशु रे जरिये स्थापित कित्तेया थिया।

याकूब 5:17

भविष्यद्वक्ता एलिय्याह भी तां असा सांई दुख-सुख भोगी मणू ही थिया, ते तिसने बड़े पूरे दिल कने प्रार्थना कित्ती ताकि बरखा ना हो, ते साड्डे त्रै साल्लां तिकर बरखा नी होई,

प्रकाशित वाक्य 11:6

इन्हा जो हक है, कि आसमान जो बांद्द करण, कि तिन्हेरी भविष्यवाणी रे दिनां बिच बरखा ना हो, अते तिन्हा जो पाणी पर हक है, कि तिसजो खून बिच बदली दैण, ते जां चाह्‍ण तां धरती पर हर तरिक्के री मुसीबत लेई आण।