लूका 4:23 - चम्बयाली नौआ नियम

²³ फिरी यीशु ने तिन्हा जो बोल्लेया, तुसा ने मेरे बारे अन्दर ए कहावत तां जरुर बोल्णी, ओ वैद्दा, पैल्ले अप्पु जो तां खरा करी लै ते जे किच्‍छ असा ने तेरे बारे अन्दर सुणे रा है, कि तैं कफरनहूम कस्बे अन्दर बड़े चमत्कार कित्ते रे हिन, से सब किच्‍छ अवे अपणे देस अन्दर भी कर

लूका 4:23 ပူးပေါင်းရင်းမြစ်များ

मत्ती 13:54

अते अपणे सहर आई करी सभास्थल बिच तिन्हा जो उपदेस दैणा लगे इस कने हर कोई हैरान होई गेया ते बोल्णा लगे, इसजो इदेयी समझ अते चमत्कारी ताकत कुते का मिल्ली?

मत्ती 4:13

तां से नासरत कस्बे का निकली करी कफरनहूम कस्बे बिच रैह्णा लग्गे, जे जबूलून अते नप्ताली नां री जातियां रे इलाके बिच ते गलीली समुन्द्र रे किनारे पर थिया।

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मरकुस 6:1

कफरनहूम सहर का निकली करी यीशु ते तिन्हेरे चेल्‍ले नासरत बिच आए,

लूका 2:39

जां मरियम ते यूसुफ परमेश्वर रे कानून रे हिसाब कने सब किच्‍छ पूरा करी बैठ्ठे, तां से अपणे घरे, नासरत कस्बे बिच जे कि गलील प्रदेश बिच है, तित्ते जो हटी गे।

लूका 2:51

ते फिरी से तिन्हा कने नासरत कस्बे बिच आई गे ते अपणे मां प्यो रे गलाए पर चलदे रे ते यीशु री मां ने इन्हा सब गल्लां जो अपणे मन बिच ही रख्खेया,

लूका 4:16

फिरी से नासरत रे कस्बे जो हटी आई, जित्ते तिन्हेरा बचपन बित्तेया थिया, ते से हर वरी सांई विश्राम दिन सभास्थल बिच गे, ते जां से पवित्रशास्त्र पढ़ने तांइ खड़े होये

लूका 4:31

फिरी यीशु गलील रे कफरनहूम कस्बे जो गे अते विश्राम दिन पर मणूआं जो उपदेस देया करदे थिये।

लूका 4:35

यीशु ने तिसजो झिड़की करी बोल्लेया, चुप रेह, अते इस बिच का निकली जा तां से दुष्टात्मा तिसजो पखोड़ी करी, बगैर कोई तकलीफ दित्ते रे तिस बिच का निकली गई

लूका 6:42

जां तेरी अपणी जिन्दगी बिच बड्डी गलतियां हिन, तां तुसा किय्यां अपणे भाई जो बोल्ली सकदे कि अपणी गलतियां जो सुधार? ओ ढोंगी, पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

यूहन्ना 4:28

तां जनानी घड़ा छडी करी ग्रां बिच चली गई ते मणूआं जो बोलणा लग्गी

2 कुरुन्थियों 5:16

अते अवे असी कुसकी होर जो इन्सानी तौर-तरिक्के रे हिसाब कने नी समजगे हालांकि असा ने भी मसीह यीशु जो इन्सानी तौर-तरिक्के रे हिसाब कने समजेया, तां भी अब्बे का असी तिन्हा जो इदेया नी जाणगे।