लूका 4:20 - चम्बयाली नौआ नियम

²⁰ फिरी तिन्हा ने से कताब बन्द कित्ती ते तित्ते कम्म करणे वाले सेवक रे हत्थां देई करी थल्ले बेई गे, ते सभास्थल बिच सबणी मणूआं री हाख्खियां यीशु पर टिकी रेई।

लूका 4:20 ပူးပေါင်းရင်းမြစ်များ

मत्ती 26:55

तिस बेल्ले यीशु ने भीड़ जो बोल्लेया, कै तुसा तलवारां ते लाठियां लेई करी मेरे जो डाकू सांई पकड़ने तांइ निकले रे हिन? मैं हर रोज मन्दिर बिच बेई करी उपदेस देया करदा थिया ते तुसा मेरे जो नी पकड़ेया।

मत्ती 27:60

ते तिसजो अपणी नोयी कब्र बिच रख्खेया, जे तिसने चट्टान बिच खुदवाई थी ते कब्र रे दरवाज्जे पर बड्डा बट्टा लुड़काई करी चली गेया।

लूका 19:48

पर, से यीशु जो मारणे तांइ कोई बेतर नी लाई सके, किजोकी मणू बड़ा मन लाई करी यीशु री गल्लां सूणदे थिये।

लूका 4:17

तां तिन्हा जो यशायाह भविष्यद्वक्ता री कताब दित्ती गई, ते तिन्हा ने से कताब खोल्ली करी तिस जगाह् बिच का पढ़ेया, जित्ते ए लिख्खे रा थिया:

लूका 4:21

अते फिरी यीशु ने तिन्हा जो बोल्लेया, अज्ज तुसा रे सूणदे ही पवित्रशास्त्र रा ए वचन पूरा होई गेया।

लूका 5:3

मते मणू होणे री वजह कने यीशु तिन्हा दो किस्तियां बिच का इक्क पर चढ़ी गे जे शमौन री थी ते तिन्हा ने शमौन जो बोल्लेया, किस्ती जो कनारे का जरा कर अग्गे जो लेई चल ते से लेई गेया, अते फिरी यीशु किस्ती पर बेई करी मणूआं जो उपदेस दैणा लगे

यूहन्ना 8:2

कने भ्यागा-भ्यागा यीशु फिरी मन्दिर रे अंगण बिच आए, ते मते सारे मणू तिसका आए, ते से बेई करी तिन्हा जो उपदेस दैणे लग्गे।

प्रेरितां रे कम्म 16:13

फिरी विश्राम दिन पर ए सोच्ची करी कि प्रार्थना करणे तांइ तित्ते कोई सभास्थल नी होणा ते असा सहर रे फाटक रे बाहर दरया जो गे, असी तित्ते बेई गे ते इकठ्ठी होये री जनानियां कने गल्ल-बात करणा लग्गे।

प्रेरितां रे कम्म 3:12

ए दिख्खी करी पतरस ने लोक्कां जो बोल्लेया, ओ इस्राएलियों, तुसा इस मणू पर हैरान किजो होया करदे हिन, ते असा पास्से इय्यां किजो दिख्खेया करदे हिन कि मन्नों असा ही ने अपणी ताकत या भक्ति कने इसजो चलणे-फिरणे जोग्गा बणाई दित्ता।