लूका 3:8 - चम्बयाली नौआ नियम

⁸ तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

लूका 3:8 ပူးပေါင်းရင်းမြစ်များ

मत्ती 21:43

इसी तांइ मैं तुसा जो बोलदा की परमेश्वर रा राज तुसा का लेई लित्तेया जाणा ते इदेइ गैर यहूदी जाति जो दित्तेया जाणा जे तिसेरा फल्ल लाए।

मत्ती 3:8

अपणे कम्मां कने साबित करो कि तुसा अपणे पाप्पां का तौबा करी लित्ते री है ते दोबारा पाप्पां बिच मत पैंदे।

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

लूका 13:25

जां परमेश्वर ने, जे घर रे मालक ने दुआर जो बन्द करी दैणा, तां तुसा बाहर खड़े होई करी दुआर जो खट-खटाणा ते बोलणा, ओ प्रभु, असा तांइ दुआर खोली देयो पर अन्दर का ए जवाब आणा, मैं तुसा जो नी जाणदा।

लूका 13:26

तुसा ने बोलणा, पर असा ने तुसा कन्ने खाएरा ते अंगूर रास पित्तेरा है, ते तुसा असा रे ग्रां री गलियां बिच उपदेस दिन्दे थिये

लूका 14:9

ते फिरी तुसा जो बोल्लेया जाये, कि अपणी जगाह् का उठी जाओ, इत्ते कुसकी होरसी ने बैणा ते तुसा जो शर्मिदां होई करी निच्चली जगाह् बैणा पेयो।

लूका 19:40

यीशु ने जवाब दित्ता जे ए मणू चुप होई गे तां रस्ते रे बट्टेयां ने बोल्ली पैणा।

लूका 19:9

यीशु ने तिसजो बोल्लेया, अज्ज तेरा अते तेरे घरे वालेयां रा छुटकारा होया है किजोकी अज्ज तू अब्राहम औलाद बणेया।

लूका 5:21

यीशु री इन्हा गल्लां जो सुणी करी यहूदी शास्त्रि ते फरीसी अप्पु-मिते सोच-विचार करणा लगे, अप्पु जो परमेश्वर रे बराबर समजणे वाला, ए हुन्दा कुण? ए तां परमेश्वर री बेजती करेया करदा है, किजोकी परमेश्वर जो छड्डी करी, होर दुज्जा कोई पाप्पां जो माफ नी करी सकदा

यूहन्ना 8:33

तिन्हा ने उन्हा जो जवाब दित्ता, असी तां अब्राहम रे ‍खानदान का हिन, ते कदी कुसकी रे गुलाम नी होए, फिर तुसा किय्यां बोलदे की तुसा अजाद होई जाणा?

यूहन्ना 8:39

तिन्हा ने तिन्हेरे जो जवाब दित्ता, असा रा पुरखा ता अब्राहम है, यीशु ने तिन्हा जो बोल्लेया, जे अगर तुसा अब्राहम री औलाद हुदें तां अब्राहम सांई कम्म भी करदे।

प्रेरितां रे कम्म 26:20

पर पैल्ले दमिश्क कस्बे रे, फिरी यरुशलेम सहर रे, ते फिरी तां यहूदियां प्रदेश रे सारे देस रे रैह्णे वालेयां जो ते गैर यहूदी लोक्कां बिच प्रचार करदा रेया, कि अपणे पाप्पां का तौबा करी के परमेश्वर का हटी आओ।

रोमियों 4:16

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

रोमियों 9:7

अते अब्राहम रे ‍खानदान बिच पैदा होणे री वजह सारे तिन्हेरी सच्ची औलाद्दां नी बणी जांदे, किजोकी जिय्यां कि पवित्रशास्त्र बिच परमेश्वर ने अब्राहम जो बोल्लेया, “इसहाक का ही तेरा वंश गिणेया जाणा।” हालांकि अब्राहम रे होर भी बच्चे थिये।

फिलिप्पियों 1:11

तुसा री जिन्दगी मसीह यीशु रे जरिए परमेश्वर री धार्मिकता रे कम्मां कने भरदी जाए जिस कने परमेश्वर री बड़ाई ते तारीफ हुंदी रे।