लूका 3:7 - चम्बयाली नौआ नियम

⁷ यूहन्ना ने तिन्हा सबणी मणूआं जो बोल्लेया, जे तिसका बपतिस्मा लैणे जो आए रे थिये, ओ जहरिल्ले सप्प सांई बुरे लोक्कों, तुसा जो कुसने दस्सेया तुसा परमेश्वर रे आणे वाले क्रोध का बचो?

लूका 3:7 ပူးပေါင်းရင်းမြစ်များ

मत्ती 12:34

तुसा जहरिल्ले कीड़े रे बच्चेयां सांई हिन! जे तुसा बुरे ही हिन तां ठीक गल्लां किय्यां करी सकदे हिन? किजोकी जे तिसेरे मन बिच है सेह्ई मुँह पर आंदा।

मत्ती 23:33

तुसा जहरिल्ले कीड़े ते जहरिल्ले किड़ेयां रे बच्चेयां सांई खतरनाक हिन, तुसा किय्यां सोचदे कि तुसा नरक री आग्ग बिच सजा भोगणे का बची जाणा।

मत्ती 3:6

तिन्हा लोक्कां ने अपणे-अपणे पाप्पां का तौबा करी के यरदन नदी बिच यूहन्ना बपतिस्मा दैणे वाला का बपतिस्मा लित्तेया।

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

प्रेरितां रे कम्म 13:10

ओ सारी बुराई अते कपट कने भरितेरे, शैतान री औलाद, तू हर इक्क नेक गल्ल रा दुश्मण है कै तू परमेश्वर रे सीद्दे-सच्चे रस्ते जो टेढा करणा नी छडणा?

1 थिस्सलुनीकियों 1:10

अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

इब्रानियों 6:18

इधेरे तांइ परमेश्वर ने असा कने वादा कित्तेया, ते तिन्हा ने असा कने कसम खाई। ए दो गल्लां बदली नी सकदी, किजोकी ए नामुमकिन है कि परमेश्वर झूठ बोल्ले। इधेरे तांइ असी जे तिन्हा का शरण लैणे तांइ, तिन्हा का गेरे हिन, ते जे आस तिन्हा ने असा जो दित्ते री है, तिसजो पाणे तांइ बड़े प्रोत्साहित हिन।

1 यूहन्ना 3:8

जे कोई पाप करदा रैहन्दा, से शैतान रे पास्से का है किजोकी शैतान दुनिया रे बणने का पैल्ला का ही पाप करदा आया है, इधेरे तांइ परमेश्वर रा पुत्तर आया कि से शैतान रे कम्मां जो खत्म करण।