लूका 3:23 - चम्बयाली नौआ नियम

²³ जां यीशु ने अपणी सेवा सुरु कित्ती थी, तां से कोई तीह् कर साल्ले रे थिये (जिय्यां कि समजेया जान्दा), यीशु यूसुफ रे पुत्तर थिये, अते यूसुफ एली रा पुत्तर थिया।

लूका 3:23 ပူးပေါင်းရင်းမြစ်များ

मत्ती 1:1

यीशु मसीह अब्राहम ते दाऊद राज्जे रे ‍खानदान बिच का थिये। यीशु मसीह रे गोत्रियां रे ए नां हिन,

मत्ती 1:16

याकूब रा पुत्तर यूसुफ थिया, जिसेरी लाड़ी रा नां मरियम थिया, अते यूसुफ ते मरियम का यीशु पैदा होए जे “मसीह हिन।”

मत्ती 1:6

ते यिशै रा पुत्तर दाऊद, जे राज्जा थिया, ते दाऊद रा पुत्तर सुलैमान थिया, बैतशिबा सुलैमान री मां थी जे पैल्ले उरिय्याह री लाड़ी थी।

मत्ती 13:55

कै ए यूसुफ रा निक्का है? अते कै इसेरी मां रा ना मरियम नी है अते इसेरे भ्यालां रे ना याकूब, यूसुफ, शमौन, यहूदा नी हिन?

मत्ती 4:17

तिस बेल्ले का यीशु ने सुब बसेख रा प्रचार करणा सुरु करी दित्तेया, “पाप्पां का तौबा करी लेयो किजोकी स्वर्ग रा राज नेड़े आई गे रा है।”

मरकुस 6:3

तां से मणू अप्पु अंदर बोलणा लग्गे, ए तां मरियम रा मुंडा है जे मिस्त्रि है, ते ए याकूब, योसेस, यहूदा, ते शमौन रा भाई है। ते इसेरी भैणा भी असा रे बिच ही रैहन्दी। तिन्हा लोक्कां ने यीशु पर विश्वास ई कित्तेया ते तिन्हेरी बेज्जती कित्ती।

लूका 2:48

जां यीशु रे मां-प्यो ने भी तिन्हा जो दिख्खेया तां से भी हैरान होई गे ते मरियम ने यीशु जो पूच्छेया, ओ निक्केया, तैं असा रे कने इय्यां किजो कित्ता, तू इत्ते किजो रुकी गे रा थिया? असा बड़े उदास होई गेरे थिये, तेरे प्यो ते मैं, तिज्जो कुते कुते नी तोप्पेया?

लूका 3:31

ते इलयाकीम, मलेआह रा, ते मलेआह मिन्नाह रा पुत्तर थिया। ते मिन्नाह, मत्तता रा, अते से नातान रा, अते से दाऊद रा पुत्तर थिया।

लूका 4:22

जितणे भी मणू तित्ते थिये, तिन्हा सबणी ने तिन्हेरी बड़ाई कित्ती, ते यीशु रे मुँह का मणूआं री भलाई तांइ निकलेरी गल्लां सुणी करी, तित्ते आये रे सब मणू हैरान होई गे ते अप्पु-मिते बोलणा लगे, कै ए यूसुफ रा पुत्तर नी है?

यूहन्ना 1:45

फिलिप्पुस नतनएल कने मिलया कने तिसजो बोल्लेया, मूसा ते भविष्यद्वक्तां ने ते परमेश्वर रे कानून बिच जिसेरी चर्चा ने कित्ती री है, से असा जो मिली गेया, से यूसुफ रा पुत्तर, नासरत कस्बे रा यीशु है।

यूहन्ना 6:42

फिरी तिन्हां ने बोल्लेया कै ए यूसुफ रा मुंडा यीशु नी है, जिस्स रे अम्मा बाबे जो असी जाणदे? तां फिरी ए किजो बोलदा कि मैं स्वर्ग का उतरया है।

प्रेरितां रे कम्म 1:1

ओ आदरणीय थियुफिलुस, मैं पैल्ली कताब उन्हा सारी गल्लां रे बारे बिच लिख्खे री थी जे यीशु अपणी सेवकाई री सुरुआत का लेई करी अपणे स्वर्ग पर चुक्की लित्ते जाणे तिकर सिखांदे रे,