लूका 3:22 - चम्बयाली नौआ नियम

²² ते पवित्रात्मा इक्क कबूतर रे रुप बिच यीशु पर उतरेया ते स्वर्ग बिच का ए अवाज आई, तू मेरा प्यारा पुत्तर है, अते मैं तेरे का खुस है।

लूका 3:22 ပူးပေါင်းရင်းမြစ်များ

मत्ती 12:18

“दिख्खो, ए मेरा सेवक है; जिस जो मैं चुणे रा है ए मेरा प्यारा है, मैं इसका खुस है मैं तिसेरे उप्पर अपणी आत्‍मा रखणी अते तिसने गैर यहूदियां रे लोक्कां जो हिसाब-किताब रा सुब बसेख दैणा।

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

मत्ती 27:43

तिसने परमेश्वर पर विश्वास रखे रा है जे से इसजो चाह्‍ंदे तां अवे इसजो छुड़ाई लेय, किजोकी इसने बोल्लेया थिया मैं परमेश्वर रा पुत्तर है।

मत्ती 3:13

उस बेल्ले यीशु गलील का चली करी यरदन रे कनारे यूहन्ना का बपतिस्मा लैणे तांइ आये।

मत्ती 3:16

ते यीशु बपतिस्मा लेई करी तिस्सी बेल्ले पाणी का बाहर आई गे, ते दिख्खो, तिन्हा तांइ स्वर्ग खुल्ली गेया, अते तिन्हा ने पवित्रात्मा जो इक्क कबूतर सांई उतरदे अते अपणे उपराल्ले आंदे दिख्खेया।

मत्ती 3:17

अते दिख्खो, स्वर्ग बिच का ए अवाज आई कि ए मेरा प्यारा पुत्तर है, “जिस का मैं बड़ा-वरी खुस है।”

मरकुस 1:11

ते ए स्वर्ग बिच का ए अवाज आई, “तू मेरा प्यारा पुत्तर है, तेरे का मैं खुस है।”

मरकुस 1:9

तिन्हा दिना बिच यीशु ने गलील प्रदेश रे नासरत कस्बे का आई करी यरदन नदी बिच यूहन्ना का बपतिस्मा लित्तेया।

मरकुस 9:7

तां इक्क बदल ने तिन्हा जो घेरी लेया, ते परमेश्वर री अवाज आई, “ए मेरा प्यारा पुत्तर है। इसेरी सुणो।”

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

लूका 4:21

अते फिरी यीशु ने तिन्हा जो बोल्लेया, अज्ज तुसा रे सूणदे ही पवित्रशास्त्र रा ए वचन पूरा होई गेया।

यूहन्ना 1:32

कने यूहन्ना ने गवाई दिती, “मैं आत्‍मा जो कबूतर रे रुप बिच स्वर्ग का उतरदे दिख्खेया ते से तिस पराल्ले उत्तरी गेया।”

यूहन्ना 12:28

ओ पिता, अपणे नां री बड़ाई कर। तां तिस बेल्ले स्वर्ग बिच का ए अवाज आई, मैं उसेरी बड़ाई कित्ती, ते अग्गे भी करगा।

यूहन्ना 5:37

कने “पिता” जिनिये मेरे जो भेज्जे रा है, तिसी ने मेरी गवाई दित्ती री है तुसा न कदी तिन्हा जो सूणेया ते न तिन्हा जो दिख्खेया।

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

कुलुस्सियों 1:13

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

1 पतरस 2:4

तुसा मसीह यीशु का आए रे हिन। से तिस जरुरी बट्टे सांई हिन जिस जो इमारत री नीं बिच लाया जांदा, पर से जिंदे बट्टे हिन। मते लोक्कां ने तिन्हा जो नक्कारेया पर परमेश्वर ने तिन्हा जो चुणेया से तिन्हा जो बड़ा कीमती भी मनदे। ते जिय्यां मणू बट्टेयां कने घर जो बणांदे, तिय्यां ही परमेश्वर भी तुसा जो इक्क इदेइ मण्डली रा हिस्सा बणाया करदे हिन जित्ते पवित्रात्मा वास करदा। तिन्हा कम्मां री वजह कने जे मसीह ने असा तांइ कित्ते, तुसा परमेश्वर जो कुर्बानी चढ़ाणे वाले पुरोत्तां सांई तिन्हा जो खुस करणे वाले कम्म करो।