लूका 3:16 - चम्बयाली नौआ नियम

¹⁶ तां यूहन्ना ने तिन्हा सबणी मणूआं जो ए जवाब दित्ता, कि मैं तां तुसा जो सिर्फ पाणी कने ही बपतिस्मा दिन्दा, पर जे आणे वाला है, से तां मेरे का भी जादा सक्तसाली है, मैं तां इस जोग्गा भी नी है, कि तिन्हेरे जूत्ते रे तस्मे जो भी खोल्ली सकां, तिन्हा ने तां आग्ग ते पवित्रात्मा कने बपतिस्मा दैणा।

लूका 3:16 ပူးပေါင်းရင်းမြစ်များ

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मत्ती 3:12

तिन्हेरा छज्ज तिन्हेरे हत्थां बिच है, अते तिन्हा ने अपणे खलाड़े जो खरा करी साफ करणा, कणक जो खत्ते अन्दर इकट्ठा करणा, ते भूह् जो तिस आग्ग अन्दर फुक्की दैणा, जे कदी भी नी बुझणी।”

यूहन्ना 1:26

यूहन्ना ने तिन्हा जो जवाब दित्ता, मैं ता पाणी कने बपतिस्मा दिंदा पर तुसा रे बिच इक्क इदेया मणू खडिते रा है तिसजो तुसा नी जाणदे।

यूहन्ना 1:27

जे मेरे बाद आणे वाले है मैं तां तिसेरी जूत्ते रे तसमे खोलणे रे जोग्गा भी नी है

यूहन्ना 1:33

मैं तां तिसजो पछियाणदा नी कि से मसीह हिन, पर जिस ने मेरे जो पाणी रा बपतिस्मा दैणे जो भेज्जेया तिसी ने मेरे जो बोल्लेया, जिस पराले तू आत्‍मा जो उतरदे कने रुकदे दिख्खेया से ही पवित्रात्मा कने बपतिस्मा दैणे वाला है।

यूहन्ना 7:38

जे मेरे पर विश्वास करगा, जिय्यां पवित्रशास्त्र बिच लिख्खे रा है, उसेरे दिल बिच का जिन्दगी रे पाणी री नदियां फूटी निकलणी जे हमेसा री जिन्दगी दिंदी।

प्रेरितां रे कम्म 1:5

किजोकी यूहन्ना ने तां पाणी बिच बपतिस्मा दित्ते रा है पर थोड़े रोज्जां बाद तुसा जो पवित्रात्मा रा बपतिस्मा मिलणा।

प्रेरितां रे कम्म 10:44

पतरस ए गल्लां बोल्लेया ही करदा थिया, कि पवित्रात्मा वचन सब सुनणे वाले लोक्कां पर उतरी आया।

प्रेरितां रे कम्म 2:33

इस तरिक्के कने परमेश्वर रे सज्जे हत्थ का सबका बड्डा पदवी पाई करी, ते पिता का से पवित्रात्मा पाई करी जिसेरा वादा कित्ता गेया थिया, ते तिन्हा ने पवित्रात्मा असा जो देई दित्ता रा है, जे तुसा दिखदे ते सूणदे हिन।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।