लूका 3:1 - चम्बयाली नौआ नियम

¹ ए तिस्स बेल्ले री गल्ल है, जिस बेल्ले तिबिरियुस सम्राट पन्द्रा साल्लां का रोम रे देस पर राज करेया करदा थिया अते तिस बेल्ले पुन्तियुस पिलातुस यहूदियां प्रदेश रा राजपाल थिया, ते हेरोदेस गलील जिल्ले अन्दर राज करदा थिया, ते तिसेरा भ्याल फिलिप्पुस जे थिया से इतूरैया अते त्रखोनीतिस नां रे प्रदेशां अन्दर राज करेया करदा थिया, ते लिसानियास अबिलेने नां रे प्रदेश अन्दर राज करदा थिया।

लूका 3:1 ပူးပေါင်းရင်းမြစ်များ

मत्ती 14:1

उस बेल्ले गलील रे राज्जे हेरोदेस ने जां यीशु रे कम्मां रे बारे बिच सूणेया।

मत्ती 14:3

किजोकी ए ओई हेरोदेस थिया जिनिये यूहन्ना जो बन्धी बणाई करी, संगलां कन्ने बन्नी करी जेल्लां बिच पाई दित्तेया थिया ए उसने हेरोदियास रे बोलणे पर कित्तेया थिया, जे पैल्ले उसेरे भाई फिलिप्पुस री लाड़ी थी।

मत्ती 14:6

पर जां हेरोदेस रा जन्मदिन आया तां हेरोदियास री कुड़ी ने हेरोदेस अते तिसेरे परौणे रे अग्गे नच्ची करी तिन्हा जो इतणा खुस करी दित्तेया।

मत्ती 22:17

इसी तांइ असा जो दस तुसा कै सोचदे? सम्राट जो कर दैणा ठीक है या नी।

मत्ती 27:2

तिन्हा ने यीशु जो बन्नी दित्तेया, ते लेई जाई करी पिलातुस हाकिम रे हत्थां सौपीं दित्ता।

मरकुस 6:17

हेरोदेस राज्जे ने अपणे भाई फिलिप्पुस री लाड़ी हेरोदियास री वजह कने, जिस कने तिनिये ब्याह करी लित्तेया थिया, लोक्कां जो भेज्जी करी यूहन्ना जो पकड़व़ाई करी जेल बिच पुआई दित्तेया थिया।

मरकुस 6:21

हेरोदियास ने हेरोदेस राज्जे रे जन्मदिन रे मौक्के रा फैदा चुक्केया जां हेरोदेस राज्जे ने अपणे प्रधान्नां, सेनापती ते गलील प्रदेश रे बड्डे लोक्कां ताई धाम पाए री थी।

लूका 13:31

तिस ही बेल्ले किच्‍छ फरीसी मणू तित्ते आई रे ते बोलणा लगे, राजा हेरोदेस अन्तिपास तुसा जो मारणा चाह्‍ंदा, इधेरे तांइ तुसा इत्ते का कुदखी होरथी चली जाओ।

लूका 2:1

तिन्हा रोज्जां बिच रोम देस रे सम्राट औगुस्तुस ने ए हुकम दित्ता की सारे रोमी साम्राज्य रे सारे मणू गिणे जाये ताकि तिन्हेरे का चुंगी वसूली जाए।

लूका 23:24

अते पिलातुस ने हुकम दित्ता कि ए जिय्यां चाह्‍ंदे तिय्यां ही हो

लूका 3:19

(पर जां तिसने राजा हेरोदेस जो तिसेरे भ्याल फिलिप्पुस री लाड़ी हेरोदियास कने नजायज रिश्ते अते होर भी दूज्जे गलत कम्मां तांइ झिड़केया

लूका 9:7

जां हेरोदेस राज्जे जो यीशु रे कम्मां रे बारे अन्दर पता लगेया, तां से सुणी करी बड़ा-भरी उदास होई गेया किजोकी केई मणू बोल्लदे थिये, कि ए यूहन्ना बपतिस्मा दैणे वाला है, जे कि मरी करी फिरी जिन्दा होई गे रा है।

प्रेरितां रे कम्म 23:26

महामहिम फेलिक्स हाकिम जो क्लौदियुस लूसियास री तरफ का प्रणाम,

प्रेरितां रे कम्म 24:27

पर जिस बेल्ले दो साल होई गे, तां पुरकियुस फेस्तुस, फेलिक्स री जगाह् पर राज्यपाल बणी करी आया ते फेलिक्स यहूदियां जो खुस करणे री चाह्‍त अन्दर पौलुस जो कैद अन्दर ही छड्डी गेया।

प्रेरितां रे कम्म 26:30

तां राज्जा ते राज्यपाल ते बिरनीके ते तिन्हेरे कन्ने बैह्णे वाले खड़ी उठ्ठे ते तित्ते का निकली गे,

प्रेरितां रे कम्म 4:27

किजोकी तुसा रे सेवक यीशु रे खलाफ, जिन्हेरा तुसा ने अभिषेक कित्तेया, हेरोदेस ते पुन्तियुस पिलातुस भी गैर यहूदियां ते इस्राएली लोक्कां कने इस सहर बिच कठ्ठे होए