लूका 23:4 - चम्बयाली नौआ नियम

⁴ इस गल्ल पर पिलातुस ने बड्डे पुरोत्त अते मणूआं जो बोल्लेया, मेरे जो इस मणू पर कोई भी बुराई नजर नी आया करदी है

लूका 23:4 ပူးပေါင်းရင်းမြစ်များ

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

मरकुस 15:14

पिलातुस ने तिन्हा जो बोल्लेया, “किजो, इनिए कै बुरा कित्ते रा है?” पर से होर भी लेरां मारी करी बोलणा लगे, तिसजो सुली पर चढ़ाई दे।

लूका 23:22

पिलातुस ने मणूआं का तिज्जी वरी पूच्छेया, इस मणू री कै गलती है? मेरे जो इसेरे खिलाफ कोई इदेयी गल्ल नी लिब्बी जे मैं इसजो मौत री सजा देयां इधेरे तांइ मैं इसजो बेत लगवाई करी छडी दिन्दा

यूहन्ना 18:38

पिलातुस ने यीशु जो बोल्लेया, सच कै है? ए बोल्ली करी से फिरी यहूदी अधिकारियां का गेया अते उन्हा जो बोल्लेया, मेरे जो तां इस मणू अन्दर कोई गल्ती नी मिल्ली।

प्रेरितां रे कम्म 25:25

पर मेरे जो पता लग्गी गेया कि इनिए इदेया किच्‍छ भी नी कित्ते रा है कि इसजो मारी रख्खेया जाओ अते हालांकि इनिए अप्पु ही सम्राट का अपणा न्याय करणे री बिनती कित्ती, तां मैं इसजो रोम सहर जो भेजणे रा फैसला लित्तेया।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

1 पतरस 2:22

पवित्रशास्त्र बिच लिख्खे रा है, “तिन्हा ने कदी कोई पाप नी कित्तेया, तिन्हा ने कदी कोई झूठ नी बोल्लेया।”

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।