लूका 23:2 - चम्बयाली नौआ नियम

² से पिलातुस रे अग्गे यीशु पर इल्जाम लगाणा लगे, कि ए यहूदी मणूआं जो भड़काया करदा है, अते तिन्हा जो सम्राट जो चुंगी दैणे जो मन्हा करेया करदा है, अते असा ने इसजो अप्पु जो यहूदियां रा राजा कने मसीह यीशु बोलदा भी सूणेया है

लूका 23:2 ပူးပေါင်းရင်းမြစ်များ

मत्ती 17:27

पर असी उन्हा लोक्कां जो नराज ना करी दैण, इधेरे तांइ तू झील रे बन्ने पर जाई करी कंडा पा, अते जे मच्छी पैल्ले निकलगी, तिसजो लै अते तिसेरा मुँह् खोलण तिज्जो इक्क चाँन्दी सिक्का मिलणा, तिसजो लेई करी मेरे अते अपणे बदले तिन्हा जो देई देयां।

मत्ती 22:21

यीशु ने तिन्हेरे जो बोल्लेया, जे सम्राट रा है से सम्राट जो देयो, ते जे परमेश्वर रा है से परमेश्वर जो देयो।

मत्ती 27:11

जां यीशु हाकिम रे सामणे खड़ित्ते रे थिये तां हाकिम ने तिन्हा जो पूच्छेया, कै तू यहूदियां रा राज्जा है? यीशु ने तिसजो बोल्लेया, तू अप्पु ही ए बोल्लेया करदा है।

मरकुस 12:17

यीशु ने तिन्हा जो बोल्लेया, “तां जे सम्राट रा है, से सम्राट जो देयो ते जे परमेश्वर रा है से परमेश्वर जो देयो,” तां से मणू बड़े वरी हैरान होए।

मरकुस 15:2

पिलातुस ने यीशु जो पूच्छेया, “क्‍या तू यहूदियां रा राज्जा है?” तिन्हा ने तिसजो जवाब दित्तेया, “तू अप्पु ही बोल्लेया करदा है।”

लूका 23:14

तुसा इस मणू जो मेरे का लेई आए कि ए मणूआं जो दंगे करवाणे तांइ भड़कान्दा, मैं इस बारे बिच तुसा रे सामणे तिसजो जाँचे परखेया अते जे तुसा इल्जाम लगाया करदे हिन इदेया किच्‍छ भी मैं इस पर नी दिखदा,

लूका 23:5

पर से होर भी जोर पाणा लगे अते बोलणा लगे, ए सारे यहूदियां बिच मणूआं जो अपणी उपदेस देई करी तिन्हा बिच दंगे करदा है अते ए सब किच्‍छ इन्ने गलील प्रदेश का सुरु कित्तेया थिया।

यूहन्ना 18:29

तां पिलातुस उन्हा का बाहर आया अते बोल्लेया, तुसा इस मणू पर कै इल्जाम लगाया करदे हिन?

यूहन्ना 18:30

जवाब बिच तिन्हा ने तिसजो बोल्लेया, जे ए बेकसूर हुन्दा तां असी इसजो तुसा रे हवाले किजो करणा थिया?

यूहन्ना 19:12

ए सुणी करी पिलातुस यीशु जो छड्डणे री कोसीस करणा लग्गेया, पर यहूदी चिंडा मारी-मारी करी बोलणा लग्गे, जे तुसा इसजो छड्डी दिन्गे, तां तुसा सम्राट रे दोस्त नी हिन, कोई भी जे अप्पु जो राज्जा बोलणे रा दावा करदा, से रोम रे सम्राट रे खिलाफ है।

प्रेरितां रे कम्म 24:13

ते ना तां से तिन्हा गल्लां जो, जिन्हेरा से अब्बे मेरे पर इल्जाम लाया करदे हिन, तेरे सामणे सच साबित करी सकदे,

प्रेरितां रे कम्म 24:5

किजोकी असा ने इस मणू जो उधमी ते दुनिया रे सारे यहूदियां बिच दंगा कराणे वाला, ते नासरत अन्दर रैह्णे वालेयां रे कुपंथ रा प्रधान पाए रा है।

रोमियों 13:7

इधेरे तांइ तुसा जो तिन्हा अधिकारियां जो से सारी चीजां दैणा चाएदी जे तिन्हेरा हक है। तुसा जो हर तरिक्के री चुंगी, आदर-सम्मान दैणा चाएदा।