लूका 22:52 - चम्बयाली नौआ नियम

⁵² तां यीशु ने बड्डे पुरोत्त, मन्दिर रे पैहरेदारां अते बुजुर्ग लोक्कां जो बोल्लेया, कै तुसा मेरे जो इक्क डाकू समजदे जे कि तुसा मेरे जो पकड़ने तांइ तलवारां अते डंडे लेई करी आए दे हिन?

लूका 22:52 ပူးပေါင်းရင်းမြစ်များ

मत्ती 26:47

से ए बोल्लेया ही करदे थिये की यहूदा जे बारां बिच का इक्क थिया, आया ते तिसेरे कने बड्डे पुरोत्त ते लोक्कां रे बुजुर्ग मणू रे पास्से का बड्डी भीड़, तलवारां ते लठ लेई करी आई।

मत्ती 26:55

तिस बेल्ले यीशु ने भीड़ जो बोल्लेया, कै तुसा तलवारां ते लाठियां लेई करी मेरे जो डाकू सांई पकड़ने तांइ निकले रे हिन? मैं हर रोज मन्दिर बिच बेई करी उपदेस देया करदा थिया ते तुसा मेरे जो नी पकड़ेया।

लूका 22:37

किजोकी मैं तुसा जो बोल्ली दिन्दा, कि पवित्रशास्त्र अन्दर मेरे बारे अन्दर लिख्खे री गल्ल अवे पूरी होणे वाली हिन “कि तिसजो अपराधियां बिच गिणेया गेया,” अते मेरे बारे अन्दर होर जितणी भी गल्लां उस अन्दर लिख्खे री हिन, से इक्क-इक्क करी के सब पूरी होया करदी हिन।

लूका 22:4

तिन्ने जाई करी बड्डे पुरोत्त अते सभास्थल रा पैह्रा दैणे वालेयां रे प्रधाना कने मिली करी सलाह कित्ती कि से यीशु जो तिन्हा का किय्यां पकडवाई सकदा

लूका 22:51

पर यीशु ने बोल्लेया, लड़ीणा बांद करी देयो अते तिन्हा ने तिस मणू रे कान्न जो छुत्तेया अते ठीक करी दित्तया

लूका 22:53

जां मैं तुसा कने मन्दिर अन्दर हुन्दा थिया, तुसा ने मेरे जो तां किजो नी पकड़ेया? पर अज्ज ए तुसा रा बेल्ला है, अते निहारे रा राज करणे रा बेल्ला है।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

प्रेरितां रे कम्म 5:26

जां तिनिये सूणेया तां सरदार ने पैहरेदारां कने जाई करी, तिन्हेरे जो लेई आया, पर जोर-जबरदस्ती कने नी, किजोकी से लोक्कां का डरदे थिये कि असा पर बट्टे ना सुटण।