लूका 22:12 - चम्बयाली नौआ नियम

¹² तिन्ने तुसा जो इक्क बड्डा कमरा दसणा, जे पैल्ले रा ही सजाए दा होणा, तुसा तित्ते ही धाम री तयारी करेयो

लूका 22:12 ပူးပေါင်းရင်းမြစ်များ

लूका 22:11

अते तिस घर रे मालक का पूच्छी लै कि, गुरु जी ने तेरे का पूच्छेया है कि से परौणे वाला कमरा कुदे है, जिस अन्दर तिन्हा ने अपणे चेल्‍लेयां कने बेई करी फसह री रोट्टी खाणी है?

लूका 22:13

फिरी से दोई यरुशलेम जो चली गे, अते तिन्हा ने दिख्खेया कि सब किच्‍छ तिय्यां ही है, जिय्यां कि यीशु ने उन्हा जो बोल्ले रा थिया, फसह री रोट्टी तयारी कित्ती।

यूहन्ना 2:25

कने तिसजो कोई जरुरत नी थी कि से मणूआं रे बारे बिच कोई गवाई दे किजोकी से अप्पु ही जाणदा थिया कि मणूआं रे मना बिच कै है।

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

प्रेरितां रे कम्म 1:13

जां से यरुशलेम बिच पूज्जे, तां भोड़ी पर गे जित्ते पतरस ते यूहन्ना ते याकूब ते अन्द्रियास ते फिलिप्पुस ते थोमा ते बरतुल्मै ते मत्ती ते हलफई रा मुडां याकूब ते शमौन जे जेलोतेस नां रे समुह रा मणू थिया ते याकूब रा मुडां यहूदा रैहन्दे थिये।

प्रेरितां रे कम्म 20:8

जिस अटारी पर असी कठित्ते रे थिये, तिस बिच मते सारे दीये बलेया करदे थिये