लूका 2:9 - चम्बयाली नौआ नियम

⁹ ते तिस बेल्ले इक्क परमेश्वर रा स्वर्गदूत तिन्हेरे मुहाग्गर आई खड़ा होया, ते प्रभु री महिमामय रौसनी ने तिन्हा जो चौंह्-पास्से का घेरी लेया, ते ए सब दिख्खी करी से बड़े-भरी डरी गे।

लूका 2:9 ပူးပေါင်းရင်းမြစ်များ

मत्ती 1:20

“जां यूसुफ इन्हा गल्लां रे बारे अन्दर सोच्चेया ही करदा थिया, तां प्रभु रा स्वर्गदूत तिसजो सुपने अन्दर आई करी बोलणा लगेया, ओ यूसुफ! दाऊद री औलाद, तू मरियम जो अपणी लाड़ी बणाणे रा का मत डर, किजोकी जे बच्चा तिसेरे पेट अन्दर है, से पवित्रात्मा रे पास्से का है।

लूका 1:28

जिब्राईल स्वर्गदूत मरियम का आई करी बोलणा लगेया, “नमस्कार, तेरे पर परमेश्वर ने बड़ी दया कित्ती, ते परमेश्वर तुसा कने हिन।”

लूका 2:8

ते तिधाड़ी ही तिस इलाके अन्दर किच्‍छ पुहाल रात्ती बेल्ले अपणे धणा रा द्रबड़ा अन्दर पैह्रा देया करदे थिये।

लूका 24:4

जां से इस सोच बिच ही थी कि, तिन्हेरे का लशकदे कपड़े पाये रे दो मणू आई खड़ी होए

यूहन्ना 12:41

यशायाह ने ए गल्लां इस तांइ बोल्ली किजोकी उसने यीशु री आणे वाली महिमा दिख्खी थी, ते उसदे बारे बिच गल्लां कित्ती।

प्रेरितां रे कम्म 12:7

ते तिस्सी बेल्ले प्रभु रा इक्क स्वर्गदूत पतरस रे नेड़े आई करी खड़ा होया ते तिस कोठरी बिच लौ चमकी ते तिसने तिसेरी पसली पर हत्थ मारी करी तिसजो जगाया, ते बोल्लेया, उठ फुर्ती मार, ते तिसेरे हत्थ का संगलां खुली करी पेई गई।

प्रेरितां रे कम्म 27:23

किजोकी परमेश्वर जिन्हेरा मैं है, ते जिन्हेरी भक्ति करदा, तिन्हेरे स्वर्गदूत ने पिछली रात्ती मेरे का आई के बोल्लेया,

प्रेरितां रे कम्म 5:19

पर रात्ती प्रभु रे इक्क स्वर्गदूत ने जेलखाने रे दुआर जो खोल्ली री तिन्हेरे जो बाहर लाई करी बोल्लेया,

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

1 तीमुथियुस 3:16

असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।

इब्रानियों 12:21

ते से दर्शन इदेया ड्रोणा थिया इत्ते तिकर मूसा ने भी बोल्लेया, “मैं बड़ा डरदा ते कबंदा।”

प्रकाशित वाक्य 18:1

इसेरे बाद मैं इक्क स्वर्गदूत जो स्वर्ग का उतरदे दिख्खेया। तिसजो बड़ा हक्क मिल्ले रा थिया ते तिसेरी बड़ी रौसनी कने पूरी दुनिया भरी गयी।

प्रकाशित वाक्य 20:11

फिरी मैं इक्क बड्डा सफेद सिहांसन ते तिसजो, जे तिस पर बैठ्ठा रा है, तिसेरे सामणे का धरती ते आसमान नस्सी गे, ते तिन्हेरे तांइ जगाह् नी मिल्ली।