लूका 2:7 - चम्बयाली नौआ नियम

⁷ ते तिनिये अपणे पैल्ले मुंडे, यीशु जो जम्मेया, अते तिसजो फालड़ी अन्दर लपेटी करी चरिह् अन्दर रखेया, किजोकी तिन्हेरे जो सराये बिच रैह्णे तांइ जगाह् नी मिल्ली थी।

लूका 2:7 ပူးပေါင်းရင်းမြစ်များ

मत्ती 1:25

ते जां तांइ मरियम ने पुत्तर नी जम्मेया तां तांइ यूसुफ ने मरियम कने कोई शारीरिक सम्बध नी रख्खेया: ते तिसेरे पैदा होणा का बाद यूसुफ ने तिस मुंडे रा नां यीशु रख्खेया।

मत्ती 13:55

कै ए यूसुफ रा निक्का है? अते कै इसेरी मां रा ना मरियम नी है अते इसेरे भ्यालां रे ना याकूब, यूसुफ, शमौन, यहूदा नी हिन?

मत्ती 8:20

यीशु ने तिसजो बोल्लेया, “लोमड़ी री खोह अते आसमान रे चिड़ू-पखेरुआं रे घोंसले हुन्दे हिन पर मणू रे पुत्तर का, जे मैं ही है का रैह्णे तांइ अपणी कोई जगाह् नी है।”

लूका 10:34

से तिसेरे नेड़े गेया ते तिनिए तिसेरे जखमां पर तेल ते अंगूर रा रस्स लाई करी पट्टी बह्न्नी दित्ती ते अपणे खोत्ते पर बिठाई करी रैण-बसे रे जो लेई गेया, ते तिसेरी सेवा कित्ती।

लूका 2:6

जां से मणू बैतलहम कस्बे बिच ही थिये तां मरियम रे लोक्किणे रा समय आई गेया,

लूका 2:8

ते तिधाड़ी ही तिस इलाके अन्दर किच्‍छ पुहाल रात्ती बेल्ले अपणे धणा रा द्रबड़ा अन्दर पैह्रा देया करदे थिये।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।