लूका 2:51 - चम्बयाली नौआ नियम

⁵¹ ते फिरी से तिन्हा कने नासरत कस्बे बिच आई गे ते अपणे मां प्यो रे गलाए पर चलदे रे ते यीशु री मां ने इन्हा सब गल्लां जो अपणे मन बिच ही रख्खेया,

लूका 2:51 ပူးပေါင်းရင်းမြစ်များ

मत्ती 12:46

जां से मणूआं री भीड़ कने गल्लां करेया करदे थिये कि यीशु री मां अते भाई तित्ते आई करी बाहर खड़े होई गे अते से यीशु कने गल्ल करणे तांइ भालेया करदे थिये।

मत्ती 3:15

पर यीशु ने तिसजो ए जवाब दित्तेया, “इस बेल्ले इय्यां ही होणा दे, किजोकी असा तांइ सही ए है कि इय्यां ही सारी धार्मिकता जो पूरा करण तां यूहन्ना ने तिन्हेरी गल्ल मन्नी लेई।”

मरकुस 1:9

तिन्हा दिना बिच यीशु ने गलील प्रदेश रे नासरत कस्बे का आई करी यरदन नदी बिच यूहन्ना का बपतिस्मा लित्तेया।

मरकुस 6:3

तां से मणू अप्पु अंदर बोलणा लग्गे, ए तां मरियम रा मुंडा है जे मिस्त्रि है, ते ए याकूब, योसेस, यहूदा, ते शमौन रा भाई है। ते इसेरी भैणा भी असा रे बिच ही रैहन्दी। तिन्हा लोक्कां ने यीशु पर विश्वास ई कित्तेया ते तिन्हेरी बेज्जती कित्ती।

लूका 18:37

तिन्हा ने तिसजो बोल्लेया कि, नासरत कस्बे रे यीशु, जी जाया करदे हिन

लूका 2:19

पर, मरियम इन्हा सबणी गल्लां जो अपणे मना बिच रख्खी करी सोचदी रेह्ई

लूका 2:39

जां मरियम ते यूसुफ परमेश्वर रे कानून रे हिसाब कने सब किच्‍छ पूरा करी बैठ्ठे, तां से अपणे घरे, नासरत कस्बे बिच जे कि गलील प्रदेश बिच है, तित्ते जो हटी गे।

लूका 4:16

फिरी से नासरत रे कस्बे जो हटी आई, जित्ते तिन्हेरा बचपन बित्तेया थिया, ते से हर वरी सांई विश्राम दिन सभास्थल बिच गे, ते जां से पवित्रशास्त्र पढ़ने तांइ खड़े होये

लूका 4:23

फिरी यीशु ने तिन्हा जो बोल्लेया, तुसा ने मेरे बारे अन्दर ए कहावत तां जरुर बोल्णी, ओ वैद्दा, पैल्ले अप्पु जो तां खरा करी लै ते जे किच्‍छ असा ने तेरे बारे अन्दर सुणे रा है, कि तैं कफरनहूम कस्बे अन्दर बड़े चमत्कार कित्ते रे हिन, से सब किच्‍छ अवे अपणे देस अन्दर भी कर

इफिसियों 5:21

मसीह यीशु रा आदरमान करणे तांइ इक्क-दूए रे अधीन रेया करो।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।