लूका 2:27 - चम्बयाली नौआ नियम

²⁷ फिरी शमौन जो पवित्रात्मा ने यरुशलेम रे मन्दिर अन्दर जाणे जो बोल्लेया, ते तिस्सी रोज्जे यूसुफ कने मरियम परमेश्वर रे कानून रे हिसाब कने अपणे निक्के, यीशु जो सभास्थल अन्दर लेई आये ताकि से अपणे निक्के जो परमेश्वर रे अग्गे सौंपी सकण।

लूका 2:27 ပူးပေါင်းရင်းမြစ်များ

मत्ती 4:1

तां पवित्रात्मा ने तिस्सी बेल्ले यीशु जो बियाबान जगाह् जो भेज्जेया, ताकि शैतान तिन्हा जो परखी सको।

लूका 2:22

मूसा रे कानून रे हिसाब कने मुंडे रे पैदा होणे रे चाली दिनां बाद, मन्दिर बिच मरियम री शुद्वीकरण री कुर्बानी दैणे रा समय थिया, ते मरियम ते यूसुफ यीशु जो परमेश्वर रे सामणे समर्पित करणे तांइ यरुशलेम रे मन्दिर बिच लेई गे।

लूका 2:28

शमौन तिस बेल्ले सभास्थल अन्दर ही थिया, ते से यीशु जो अपणे हत्थां बिच चुक्की करी परमेश्वर री बड़ाई करदे-करदे बोलणा लग्गेया:

लूका 2:41

फसह रा त्याहार पर हर साल, तिन्हेरे मां-प्यो, यूसुफ ते मरियम यरुशलेम जान्दे थिये।

लूका 2:48

जां यीशु रे मां-प्यो ने भी तिन्हा जो दिख्खेया तां से भी हैरान होई गे ते मरियम ने यीशु जो पूच्छेया, ओ निक्केया, तैं असा रे कने इय्यां किजो कित्ता, तू इत्ते किजो रुकी गे रा थिया? असा बड़े उदास होई गेरे थिये, तेरे प्यो ते मैं, तिज्जो कुते कुते नी तोप्पेया?

लूका 2:51

ते फिरी से तिन्हा कने नासरत कस्बे बिच आई गे ते अपणे मां प्यो रे गलाए पर चलदे रे ते यीशु री मां ने इन्हा सब गल्लां जो अपणे मन बिच ही रख्खेया,

लूका 4:1

फिरी यीशु यूहन्ना का बपतिस्मा लैणे का बाद पवित्रात्मा कने भरी गे, ते फिरी से यरदन नदी का हटी आए ते पवित्रात्मा रे गलाए से इक्क बियाबान जगाह् जो चली गे ते चाली रोज्जां तांइ से तित्ते ही रे।

प्रेरितां रे कम्म 10:19

पतरस जे दर्शन रे बारे सोच्चेया ही करदा थिया, तिस बेल्ले पवित्रात्मा ने तिसजो बोल्लेया, दिख्ख, त्रै मणू तेरी तोप बिच हिन।

प्रेरितां रे कम्म 11:12

तां पवित्रात्मा ने मेरे जो तिन्हा कने जाणे जो बोल्लेया, ते ए छे भ्याल मेरे कने चली पे, अते असी तिस मणू रे घरे आये।

प्रेरितां रे कम्म 16:7

फिरी से जां मूसिया प्रदेश री सीमा पर पूज्जे तां तिन्हा ने बितूनिया प्रदेश जाणे री कोसीस कित्ती पर यीशु रे आत्‍मा ने तिन्हा जो तित्ते जाणे नी दित्तेया।

प्रेरितां रे कम्म 8:29

तां पवित्रात्मा ने फिलिप्पुस जो बोल्लेया, जाई करी इस रथ रे नेड़े रे।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

प्रकाशित वाक्य 1:10

इतवार रे दिन पर, जे प्रभु रा दिन है, मैं पवित्रात्मा रे ताकत रे वस बिच थिया। मैं अपणे पीच्छे का इक्क अवाज जो किच्‍छ बोलदे सूणेया, से अवाज कुसकी तुरही सांई बड़ी तेज थी।

प्रकाशित वाक्य 17:3

तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।