लूका 19:9 - चम्बयाली नौआ नियम

⁹ यीशु ने तिसजो बोल्लेया, अज्ज तेरा अते तेरे घरे वालेयां रा छुटकारा होया है किजोकी अज्ज तू अब्राहम औलाद बणेया।

लूका 19:9 ပူးပေါင်းရင်းမြစ်များ

लूका 13:16

तां कै मेरे तांइ ए जरुरी नी थिया, कि विश्राम दिन पर इस जनानी, जे अब्राहम रे ‍खानदान का है, बिच का दुष्टात्मा जो कड्डां, जिस जो शैतान ने अठारा साल्लां का जकड़ी रख्खे रा थिया?

लूका 13:30

ते अज्ज जिन्हा मणूआं री बेजती करदे, तिस बेल्ले तित्ते तिन्हेरा आदर कित्तेया जाणा, ते जिन्हा जो मणूआं का अज्ज बड़ा आदर मिलेया करदा है, तिन्हा जो तिस बेल्ले बेजती कित्तेया जाणा, किजोकी जे नीच्चे हिन से उँचे कित्ते जाणे ते जे अवे उँचे हिन से निचे कित्ते जाणे।

लूका 16:24

तां तिस अमीर मणू ने जोरे कने हक्क मारी करी बोल्लेया, ओ पिता अब्राहम! मेरे पर तरस खाओ ते इस लाज़र जो मेरे का भेज्जी देयो कि ए अपणी उंगली जो सेड़ी करी मेरी जिब्ब जो ठण्डा करी जाओ, किजोकी मैं तां इस आग्ग रे सेक कने फुक्की चले रा है।

लूका 16:30

तिनिए बोल्लेया, पिता अब्राहम जी! जे कोई मरे रे मणूआं बिच का तिन्हा जो समझाणा जाओ, तां ही से अपणे पाप्पां का तौबा करी सकदे।

लूका 2:30

किजोकी, मैं अपणी हाख्खी कने तुसा रे भेजे रे छुटकारा दैणे वाले जो दिख्खी लेया,

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

रोमियों 4:16

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

गलातियों 3:14

मसीह यीशु ने ए इधेरे तांइ कित्ता ताकि गैर यहूदियां जो भी से सारी आशीषां मिल्ले जिसेरा वादा परमेश्वर ने अब्राहम कने कित्ते रा थिया। मसीह यीशु बिच विश्वास करणे रे जरिये असी पवित्रात्मा जो हासिल करण, जिसेरा वादा तिन्हा ने असा कने पैल्ले कित्तेया थिया।

गलातियों 3:29

ते अवे तुसा सारे जे मसीह यीशु कने जुड़ी गेरे हिन, तुसा अब्राहम री औलाद्दां हिन ते तिसेरे वारिस भी हिन, ते तुसा जो से सब मिलणा जिसेरा वादा परमेश्वर ने अब्राहम कने कित्तेया।

गलातियों 3:7

अते तुसा इस गल्ल जो समजी जाओ की जे मणू अब्राहम सांई परमेश्वर पर विश्वास करदे, हकीकत बिच से ही अब्राहम री औलाद्दां हिन।

1 पतरस 2:10

भविष्यद्वक्ता होशे ने तुसा रे बारे बिच जे लिख्खे रा है से सही ही है, “पैल्ले तुसा परमेश्वर रे मणू नी थिये पर अवे तुसा परमेश्वर रे मणू हिन। पैल्ले तुसा परमेश्वर रे दया जो नी जाणदे थिये पर अवे तुसा जाणदे किजोकी तिन्हा ने तुसा पर दया करी दित्ते री है।”