लूका 18:12 - चम्बयाली नौआ नियम

¹² मैं हफ्ते बिच दो वरी ब्रत्त रखदा, हाँ, अते मिन्जो मिलणे वाली हर इक्क चीज रा दसमा हिस्सा तिज्जो दिन्दा!

लूका 18:12 ပူးပေါင်းရင်းမြစ်များ

लूका 11:42

पर, ओ फरीसियों, तुसा पर लाणत है! किजोकी तुसा अपणे पुदीने ते सुदाब बूटियाँ रा दसमा हिस्सा तां चढ़ान्दे पर, परमेश्वर रे प्यार ते तिन्हेरे फैसले जो नकारी दिन्दे दसमा हिस्सा तां दैणा चाहिदा, पर परमेश्वर रे प्यार अते तिन्हेरे फैसले जो नकारे रे बगैर

मत्ती 9:14

तां बपतिस्मा दैणे वाले यूहन्ना रे चेल्‍ले यीशु का आई करी बोलणा लग्गे, “असी अते फरीसी इतणे ब्रत्त रखदे, पर तुसा रे चेल्‍ले ब्रत्त नी रखदे?”

लूका 17:10

इय्यां ही जां तुसा परमेश्वर रे कम्म जो पूरा करी री बैंदे, तां तुसा ए बोल्लेयो कि असी तां तारिफ लायक नी हिन किजोकी असा ने से ही कित्तेया जे असा जो करणा चाएदा थिया।

1 तीमुथियुस 4:8

शरीरी कसरत रे ता थोड़े-मते फायदे ता हिन पर आत्मिक कसरत हर तरिक्के कने फायदेमंद है किजोकी ए असा रे अज्ज ते आणे वाले बेल्ले बिच भी हमेसा री जिन्दगी दैणे रा वादा करदी।

मत्ती 6:1

यीशु ने अपणे उपदेस जो जारी रखदे होए तिन्हा लोक्कां जो बोल्लेया “सावधान रेयो! तुसा मणूआं जो दसणे तांइ भलाई रे कम्म मत करो, नी तां तिज्जो अपणे स्वर्ग अन्दर रैह्णे वाले पिता का कोई ईनाम नी मिलणा।

इफिसियों 2:9

ए तुसा रे भले कम्मां रा नतीज्जा नी है, इधेरे तांइ तुसा का इस पर घंमड करणे री कोई वजह नी है।

गलातियों 1:14

मैं अपणी उमर रे बाकि मणूआं का बदिया यहूदी मणू थिया, ते मैं अपणे पूरखां री परम्परा जो सिखणे ते मनणे बिच हमेसा बड़े जोस बिच हुंदा थिया।

1 कुरुन्थियों 1:29

परमेश्वर ने इधेरे तांइ कित्तेया ताकि तिन्हेरे सामणे कोई भी मणू घमंड ना करी सके।

रोमियों 3:27

फिरी असा तांइ धार्मिकता पर घमंड करणा बिल्कुल ही नामुमकिन है किजोकी परमेश्वर असा रे पाप्पां रे लेखे-जोखे जो मूसा रे कानून जो मनणे री वजह कने नी पर मसीह बिच विश्वास करणे री वजह कने मिटांदे।

मत्ती 6:16

“जां तुसा ब्रत्त रख्खो, तां ढोंगी लोक्कां सांई तुसा रे मुँह नी उत्तरे रे होणे चाएदे, किजोकी से अपणा मुँह उदास बणाई रखदे ताकि सबणी मणूआं जो पता लग्गो कि तिन्हा ने ब्रत्त रख्खे रा है, मैं तुसा जो सच-सच बोलदा कि तिन्हा जो ईनाम बिच सिर्फ लोक्कां री तारिफ ही है।”

मत्ती 6:5

“जां तू प्रार्थना करेया करे, तां ढोंगी लोक्कां सांई लोक्कां री तारिफ तांइ सड़कां रे मौड़ां पर ते सभास्थल बिच मत करदा, मैं तुसा जो सच बोलदा कि इय्यां करणे वाले लोक्कां रा ईनाम सिर्फ लोक्कां री तारिफ ही है।

मत्ती 5:20

किजोकी मैं तुसा जो बोलदा, जां तांइ तुसा री धार्मिकता, शास्त्रियां अते फरीसी लोक्कां री धार्मिकता का बधी करी ना हो, तां तांइ तुसा स्वर्ग रे राज अन्दर नी जाई सकदे।”