पर यीशु ने उन्हा जो जवाब दित्तेया, मन्नो, तुसा रे बिच का कुसकी का इक्क भेड़ हो, ते से भेड़ विश्राम दिन कुसकी गत्ता बिच जाई पेयो, तां कै तुसा तिसजो पकड़ी करी बाहर नी कड्डणा?
प्रभु यीशु ने तिन्हा जो बोल्लेया, जे तुसा रा विश्वास सरेयाँ रे दाणे रे बराबर भी हुंदा, तां तुसा इस शहतुत रे बूट्टे जो बोल्ल गे, कि तू जड़ा का बुट्टि करी समुन्द्रा बिच लग्गी जा, तां तिन्ने तुसा री मन्नी लैणी थी।
पर से तिसेरे बजाए, कै ए नी बोल्गा, कि मेरे तांइ रोट्टी तैयार कर, ते जां तांइ मैं रोट्टी खाई नी लिन्दा तां तांइ कमर कसी करी मेरी सेवा कर अते जां मैं रोट्टी खाई लिन्गा तां तिसेरे बाद तू भी खाई लेयां?