लूका 17:16 - चम्बयाली नौआ नियम

¹⁶ अते तिन्हेरे पैरा पर मूह् रे भारे पेया ते तिन्हेरा शुकर करणे लग्गेया कने से इक्क सामरिया प्रदेश रा मणू थिया।

लूका 17:16 ပူးပေါင်းရင်းမြစ်များ

मत्ती 10:5

तिन्हा बारा जो यीशु ने ए हुकम देई करी भेजेया, गैर यहूदियां रे लोक्कां का मत जांदे, अते ना सामरिया प्रदेश बिच बड़दे।

मत्ती 2:11

से मणू घरे रे अन्दर गे अते तिन्हा ज्योतिषियां ने तिस मुंडे ते तिसेरी मां मरियम जो दिख्खेया, ते मुँह रे भारे पेई करी बच्चे री अराधना कित्ती, ते अपणे-अपणे थैल्ले खोल्ली करी तिन्हा जो सोना, गंधरस अते लोबान री भेंट चढ़ाई।

मरकुस 5:33

तां से जनानी ए जाणी करी की मेरे कने कदेया खरा होया, डरदी ते कबंदी होई आई (किजोकी मूसा रे नियम रे हिसाब कने तिस बीमारी वाले मणू समाज बिच नी आई सकदे थिये), ते तिन्हेरे पैरां पर पेई करी तिन्हा कने सारा हाल सच-सच बोल्ली दित्ता।

लूका 17:17

यीशु ने तिसजो पूच्छेया, कै मैं दस्स जणेया जो सुच्चा नी कित्ता, फिरी से बाक्की नौ कुदे हिन?

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

यूहन्ना 4:9

तिस सामरिया प्रदेश री जनानी ने तिसजो बोल्लेया, तू यहूदी होई करी मेरे जदेई सामरी जनानी का पाणी किजो मगंदा?

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

यूहन्ना 8:48

ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

1 कुरुन्थियों 14:25

ते तिन्हा रे मन री गल्लां सामणे आई जाणी ते तिन्हा ने मुँह रे भारे पेई करी परमेश्वर री अराधना करणी ते मन्नी लैणा कि हकीकत बिच परमेश्वर तुसा रे बिच हिन।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।

प्रकाशित वाक्य 5:14

अते चारो जिऊंदे प्राणियां ने आमीन बोल्लेया, अते बुजुर्ग लोक्कां ने झुकी करी तिन्हेरी अराधना कित्ती।