लूका 16:8 - चम्बयाली नौआ नियम

⁸ फिरी इय्यां होया कि तिस अमीर मणू ने अपणे ठग्ग मुंशी री चलाकी दिख्खी करी तिसेरी तारिफ कित्ती, किजोकी तिनिए बड़ी चलाकी कने कम्म कित्ता थिया, तिय्यां ही इस दुनिया मणू दुनियादारी री गल्लां बिच परमेश्वर रे लोक्कां का जादा चलाक हिन।

लूका 16:8 ပူးပေါင်းရင်းမြစ်များ

मत्ती 12:32

अते जे कोई मणू रे पुत्तर, जे मैं ही है रे खिलाफ बिच बोलगा तिसजो माफ कित्तेया जाणा, पर जे कोई पवित्रात्मा रे खिलाफ बिच किच्‍छ बोलगा, तिसेरा ए गुनाह ना तां इस जुग बिच अते ना आणे वाले जुग बिच माफ कित्तेया जाणा।

मत्ती 17:26

पतरस ने उन्हा जो बोल्लेया, दूज्जेयां का यीशु ने तिसजो बोल्लेया, तां बच्चे चुंगी दैणे का बची गे।

लूका 16:10

जे थोडे़ का थोडे़ अन्दर भरोसेमंद है, से मती सारी चीजां अन्दर भी भरोसेमंद होणा ते जे थोडे़ का थोडे़ अन्दर बेईमान है, से मती सारी गल्लां अन्दर बेईमान होणा।

लूका 16:4

मेरे जो किच्‍छ इदेया करणा पैणा कि जां मेरा मालक मेरे जो नौकरी का कह्ड्डी दिंगा, तां मेरे मते जणे मित्र होणा चाएदे ताकि से मेरे जो तिस बेल्ले सम्भाली लेंन।

लूका 16:7

फिरी तिनिए दूज्जे देंन-दार का पूच्छेया, कि तेरे पर मेरे मालक री किन्नी उधारी है? अते तिनिए बोल्लेया, बीह् टन कणक री उधारी है, तां मुंशी ने तिसजो बोल्लेया, कि सोलह टन लिख्खी लै।

लूका 18:6

फिरी प्रभु यीशु ने बोल्लेया, सुणो, तिस अधर्मी हाकिम ने कै बोल्लेया थिया?

लूका 20:34

यीशु ने बोल्लेया, इस जुग रे मणूआं बिच तां ब्या होया करदा है

लूका 20:35

पर जे मणू इस जोग्गे होणे कि तिस युग जो ते मुर्देयां बिच का फिरी जिन्दा होण, तिन्हा ने ब्याह नी करणे ते ना ही दुबारा ब्याह बिच दित्ते जाणे

यूहन्ना 12:36

जां तिकर रौसनी तुसा रे कन्ने है, रौसनी पर विश्वास रख्खो ताकि तुसा रौसनी री सतांन बणो। ए गल्लां बोल्ली करी यीशु तित्ते का चली गे ते तिन्हा लोक्कां का दुर रे।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

इफिसियों 5:8

तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

फिलिप्पियों 3:19

अग्गे चली करी तिन्हेरा खातमा होई जाणा, तिन्हेरा परमेश्वर तिन्हेरे शारीरिक इच्छा हिन, से अपणी बेशर्मी री गल्लां पर घमंड करदे, ते से मणू सिर्फ तिन्हा दुनियावी चीजां जो करणे रे बारे बिच सोचदे रैहन्दे जे इस दुनिया रे मणू करदे।

1 थिस्सलुनीकियों 5:5

किजोकी तुसा सारे दिन री लौ जदेय धार्मिकता रे मणू हिन। असी न्याहरे जैसी बुराई ते रात रे मणू नी हिन।

1 पतरस 2:9

पर तुसा मणू तैसे नी हिन किजोकी तुसा परमेश्वर रे चुणे रे मणू हिन, तुसा तिस परमेश्वर रे पुरोत्त हिन जे राज्जा है। तुसा सारे परमेश्वर जो समर्पित हिन ते तुसा परमेश्वर रे ही हिन। तिन्हा ने तुसा जो न्याहरे का बाहर अपणी अनौखी रौसनी बिच अंदे रा है ताकि तुसा तिन्हेरे महान कम्मां रा प्रचार करी सको।

1 यूहन्ना 3:10

परमेश्वर री औलाद ते शैतान रे औलाद बिच इस कने फरक पता लाई सकदे कि हर से मणू जे धार्मिकता रे कम्म नी करदा से परमेश्वर री औलाद नी है, अते जे अपणे संगी विश्वासी कने प्यार नी करदा, से भी परमेश्वर री औलाद नी है।