लूका 15:8 - चम्बयाली नौआ नियम

⁸ फिरी यीशु ने बोल्लेया, या इदेय कुण जनानी है, जिस का चाँदी रे दस्स सिक्के होन् ते इक्क सिक्का गोच्ची जाए ते से तिसजो तोपणे तांइ दीया बाली करी ते सौत बाई-बाई करी घरे रे हर इक्क कुणे अन्दर तां तांइ नी तोपदी रैंह्गी, जां तांइ से सिक्का तिसजो मिल्ली न जाओ?

लूका 15:8 ပူးပေါင်းရင်းမြစ်များ

मत्ती 5:15

मणू दीया बाली करी टोकरी रे हेठ नी रखदा पर दीवट पर रखदा तां से पूरे घरे रे लोक्कां जो लौ दिंदा।

लूका 15:7

मैं तुसा जो बोलदा, कि इय्यां ही जां कोई मणू अपणे पाप्पां का तौबा करी लिन्दा तां स्वर्ग अन्दर इतणी ही खुसियां मनाई जान्दियां, जितणी कि तिन्हा नढ़िनूए ऐसे धार्मिक मणूआं तांइ नी, जिन्हा जो ए लगदा कि तिन्हा जो मन फिराणे री जरुरत नी है।

लूका 15:9

फिरी जां तिसजो से सिक्का मिल्ली जान्दा तां से अपणी सेल्लीयाँ ते पड़ोसणियाँ जो सद्दी करी बोल्गी, मेरा चाँदी रा सिक्का गोच्ची गे रा थिया ते से अवे मिल्ली गेया, तिसेरे मिलणे री खुसी मेरे कन्ने मनाओ

लूका 19:10

किजोकी मणू रा पुत्तर, जे मैं ही है तेरे जदेय होर भी मणूआं जो हमेसा री सजा का बचाणे तांइ आए रा है।

यूहन्ना 10:16

मेरी होर भी भेड़ां हिन, जे इस गुआड़ री नी हिन मेरे जो तिन्हा जो भी लाणा जरुरी है तिन्हा ने मेरी अवाज सूणनी, तां इक्क ही झुण्ड ते इक्क ही पुहाल होणा।

यूहन्ना 11:52

ते ना सिर्फ उस जाति तांइ पर इस तांइ भी परमेश्वर रे तित्तर-बित्तर बच्चेयां जो भी इक्क करी दे।

प्रेरितां रे कम्म 19:19

ते जादू-टोणा करणे वालेयां बिच का बड़े जणेया ने अपणी-अपणी कताबां इकठ्ठी करी के सारेयां रे सामणे फुक्की दित्ती, ते जा तिन्हेरी कीमत जोड़ी, तां पंजाह् हजार चाँदी रे सिक्केयां रे बराबर निकली

इफिसियों 2:17

मसीह यीशु तुसा गैर यहूदी लोक्कां का आए जे परमेश्वर का दुर थिये, ते से यहूदी लोक्कां भी आए जे परमेश्वर रे नेड़े थिये ते तुसा सारेयां बिच परमेश्वर कने मेल-मिलाप रा सुब बसेख सुणाया।