लूका 15:6 - चम्बयाली नौआ नियम

⁶ ते अपणे घरे आई करी अपणे मित्रा ते पड़ोसियाँ जो सद्दाई करी तिन्हा जो बोलणा, कि मेरी भेड़ गोच्ची गे री थी, अते से अवे मिल्ली गई, इधेरे तांइ तुसा मेरे कन्ने इस गल्ल री खुसी मनाओ

लूका 15:6 ပူးပေါင်းရင်းမြစ်များ

लूका 1:58

तिसेरे गुआन्ड अते रिस्तेदारां ने जिस बेल्ले ए गल्ल सुणी कि परमेश्वर ने तिस्स पर दया कित्ती, तां तिन्हा भी इलीशिबा कने मिली करी बड़ी खुसियां मनाई

लूका 15:10

मैं तुसा जो बोलदा, कि इय्यां ही जां कोई मणू पाप्पां जो छड्डी करी परमेश्वर रे रस्ते पर चलणा लग्गी पैन्दा, तां तिसेरे तांइ स्वर्गदूतां रे सामणे उतणी ही खुसियां मनाई जान्दियां।

लूका 15:24

किजोकी मेरे जो लग्गेया थिया कि मेरा हल्का निक्का मरी गे रा थिया पर ए जिन्दा है, ए गुआच्ची गे रा थिया, पर अवे वापिस मिली गे रा है। ते फिरी से खुसियां मनाणा लग्गी पे

लूका 15:5

अते जां तिसजो से भैड्ड़ मिल्ली जाणी, तां तिनिए बड़े खुस होई करी तिसजो अपणे मुह्ण्डे़ पर चुक्की करी लेई आणा।

लूका 15:7

मैं तुसा जो बोलदा, कि इय्यां ही जां कोई मणू अपणे पाप्पां का तौबा करी लिन्दा तां स्वर्ग अन्दर इतणी ही खुसियां मनाई जान्दियां, जितणी कि तिन्हा नढ़िनूए ऐसे धार्मिक मणूआं तांइ नी, जिन्हा जो ए लगदा कि तिन्हा जो मन फिराणे री जरुरत नी है।

यूहन्ना 15:14

जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

प्रेरितां रे कम्म 11:23

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो,

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

फिलिप्पियों 1:4

ते जां भी कदी तुसा सबणी जणेया तांइ प्रार्थना करदा, तां हमेसा खुसी कने प्रार्थना करदा।

फिलिप्पियों 2:17

प्रभु बिच तुसा रा विश्वास ते तुसा री सेवा इक्क कुर्बानी सांई प्रभु जो चढाया गेरे हिन, ते जे अगर मेरे जो तुसा रे विश्वास ते सेवा तांइ अपणी जान भी दैणा पये, तां भी मैं खुस है।

फिलिप्पियों 4:1

इधेरे तांइ मेरे प्यारे संगी विश्वासियों, मैं तुसा कने बड़ा वरी प्यार करदा ते मैं तुसा कने मिलणे रा इंतजार करेया करदा है, जे मेरी खुसी ते मेरा ताज हिन। ते मेरे प्यारेयों, प्रभु बिच विश्वास करणे बिच इसी तरिक्के कने मजबूत हुंदे जाओ।

1 थिस्सलुनीकियों 2:19

भला असा री आस या खुसी या बड़ाई रा ताज कुण है? असा रे प्रभु यीशु रे हटणे बेल्ले से तुसा ने ही होणा।

1 पतरस 2:10

भविष्यद्वक्ता होशे ने तुसा रे बारे बिच जे लिख्खे रा है से सही ही है, “पैल्ले तुसा परमेश्वर रे मणू नी थिये पर अवे तुसा परमेश्वर रे मणू हिन। पैल्ले तुसा परमेश्वर रे दया जो नी जाणदे थिये पर अवे तुसा जाणदे किजोकी तिन्हा ने तुसा पर दया करी दित्ते री है।”

1 पतरस 2:25

तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।